Алдарт Дөрвөн Зохиол

Чөлөөт нэвтэрхий толь — Википедиагаас
Харайх: Удирдах, Хайлт

Алдарт Дөрвөн зохиол (мөн Алдарт Дөрвөн Өгүүллэг гэдэг) нь хятадын эртний уран зохиолууд бөгөөд нийт дөрвөн зохиол/ном багтдаг. Үүнд: "Гурван улсын түүх", "Баруун этгээдэд зорчсон тэмдэглэл", "Усан хөвөө", "Улаан өрөөний зүүд" зэрэг болно. Эдгээр дөрвөн зохиол нь түүхийн он удаан жилийг элээсэн ч хуучраагүй бөгөөд зохиолд гардаг үлгэр домог, орон байрлал нь хятад хүн бүрийн төсөөлөлд буун шингэжээ. Дөрвөн зохиолын уран дүрслэл, дүрүүдийн тодотгол зэрэг нь дээд зэргийн төгс бөгөөд чанарын хувьд эн тэнцүү юм.

"Улаан өрөөний зүүд" зохиолыг Чин улсын бичгийн хүн Цао Шүэ Жө зохиохоос өмнө "Гайхамшигт Дөрвөн Зохиол" гэж нэрлэдэг байсан бөгөөд үүнд "Гурван улсын түүх", "Баруун этгээдэд зорчсон тэмдэглэл", "Усан хөвөө", "Алтан лонхт тэргүүлэгч цэцэг" гэх 4 зохиол багтдаг байсан. "Улаан өрөөний зүүд" зохиол зохиогдсоны дараа "Алтан лонхт тэргүүлэгч цэцэг" зохиолыг хасч оронд нь "Улаан өрөөний зүүд" зохиолыг нэмснээр Алдарт Дөрвөн Зохиол гэх одоогийн нэршлээр нэрлэж эхэлсэн.

Монгол орчуулга Хялбаршуулсан ханз Уламжлалт ханз Пин Инь Зохиогдсон зуун
Усан хөвөө 水浒传 水滸傳 Shuǐ hǔ zhuàn 14-р зуун
Гурван улсын түүх 三国演义 三國演義 Sān guó yǎnyì 14-р зуун
Баруун этгээдэд зорчсон тэмдэглэл 西游记 西遊記 Xī yóu jì 16-р зуун
Улаан өрөөний зүүд 红楼梦 紅樓夢 Hóng lóu mèng 18-р зуун