Астон Вилла

Чөлөөт нэвтэрхий толь — Википедиагаас
Харайх: Удирдах, Хайлт
Астон Вилла
Астон Вилла багийн сүлд
Бүтэн нэр Хөлбөмбөгийн Астон Вилла баг
Хоч нэр Вилла, Астон Вилла, Арслангууд
Байгуулагдсан 1874[1]
Цэнгэлдэх хүрээлэн Вилла Парк
Астон
Бирмингем B6 6HE
Англи
(Багтаамж: 42,788[2][3])
Эзэн АмерикРэнди Лернер
Менежер ШотландАлекс Маклиш
Ахлагч БолгарСтилиян Петров
Лиг Премьер лиг
2010–11 9 дүгээр байр
Вэбсайт Клубын вэбсайт
Өөрийн талбай дээрх хувцас хэрэглэл
Өрсөлдөгчийн талбай дээрх хувцас хэрэглэл
Энэ улирал

Хөлбөмбөгийн Астон Вилла баг (англ. Aston Villa Football Club) нь Английн Бирмингем их хотын Уиттон дүүргийн харъяат хөлбөмбөгийн баг бөгөөд Премьер лигт тоглодог. Астон Вилла нь 1874 онд байгуулагдсан гэдгээрээ Английн хөлбөмбөгийн ахмад багуудын тоонд орох агаад 1888 оноос явагдаж эхэлсэн Английн хөлбөмбөгийн лигийн анхдагдын нэг, 1992 онд статусаа өөрчилсөн Премьер лигийн мөн л анхдагчдын нэг юм.

Вилла лигийн тэргүүн дивиз, Английн хөлбөмбөгийн холбооны цомд тус бүр долоо түрүүлсэн. Аваргуудын лигийн тэмцээнд Английн түүхэн дөрвөн баг түрүүлсэн байдгийн нэг нь Вилла бөгөөд Европын цом нэртэй байх үед нь 1981-82 оны улирлын шигшээ тоглолтонд Бавари Мюнхен багийн 1-0 харьцаагаар хожиж цомын болж байв.

Бирмингем хотоос хөлбөмбөгийн олон сайн баг төрөн гарсан бөгөөд түүний дотроос Бирмингем Сити, Астон Вилла нарыг онцлох нь зүй. 1879 оноос энэ хоёр багийн ширүүхэн өрсөлдөөний түүх эхлэлтэй. Багийн өмсгөлийн тухайд улаан дарсны өнгийг илтгэх цамц нь тэнгэрийн хөх өнгийн ханцуйтай бөгөөд цагаан богино өмд, цэнхэр оймс.

Түүх[засварлах]

Хөлбөмбөгийн Астон Вилла баг нь 1874 оны гуравдугаар сард байгуулагдсан бөгөөд хамгийн анхны тоглолтоо Регби спортын багтай хийж байв. Эхний хагасыг регбийн дүрмээр, хоёрдугаар хагасыг хөлбөмбөгийн дүрмээр тоглохоор тохиролцон сонирхолтой гэмээр тоглолтыг хийсэн нь энэ байв. Цаашлаад 1880 онд Бирмингемийн Залуучуудын цомын тэмцээнд Виллагийн бүрэлдэхүүн Шотландын хөлбөмбөгчин Жорж Рамзигээр[4] ахлуулан түрүүлж Мидленд хавьдаа шилдэг баг болж байв.

1890-аад оны Астон Виллагийн бүрэлдэхүүн

1887 онд АХХ-ны цомд анх удаагаа түрүүлсэн бөгөөд Арчи Хантер гэгч тоглогч багийг ахлан тоглосон нь Астон Виллагийн анхны ахлагч гэдгээрээ тэмдэглэгдэн үлджээ. Дараа жил нь Хөлбөмбөгийн лигийн анхдугаар тэмцээнд оролцож хоёрдугаар байр эзэлсэн түүхтэй. 1893-1900 оны хооронд Астон Вилла лигт тав, АХХ-ны цомд гурав түрүүлсэн нь багийн түүхэн дэх гайхамшиг байлаа.

1920 онд АХХ-ны цомд зургаа дахь түрүүгээ авсны дараахан Астон Вилла багийг дэлхийн хамгийн шилдэг хөлбөмбөгийн баг гэхэд хэн ч эргэлздэггүй болсон байна. 1935-36 оны улирлаар лигийн 42 тоглолтонд хаалгандаа 110 гоол алдаж 13 хожиж, 9 тэнцэж, 20 хожигдохдоо Арсенал багт 7-1(Тед Дрейк долоон гоол оруулсан) харьцаагаар бут ниргүүлсэн гэх мэт тун тааруу амжилт[5] үзүүлэн хоёрдугаар дивиз рүү анх удаагаа унасан байна. Дэлхийн хоёрдугаар дайны он жилүүдэд бүхий л багуудын адил Вилла долоон улирлын турш амжилт нь зогссон юм. Астон Вилла АХХ-ны цомын аваргын буухиагаа Эрик Хутоны дасгалжуулалтын дор 37 жилийн дараа буюу 1956-57 оны улиралд алдарт Уэмблийн цэнгэлдэхэд 100 мянган үзэгчдийн өмнө Манчестер Юнайтедийг 2-1 харьцаагаар хожиж үргэлжлүүлжээ.[6] 1958-59 оны улиралд лигт 11 хожил, 8 тэнцээ, 23 хожигдлын амжилт үзүүлэн хоёр дахь удаагаа доод лиг рүү унасан Виллаг Арсенал багийн тоглогч асан Жо МерсерАнглийн Эзэнт гүрний одонт 1960 онд хоёрдугаар дивизэд аваргалуулж дахин дэвшүүлж[7], 1961 онд Лигийн цомд анхны удаа түрүү авахуулсан нэгэн юм. Дасгалжуулагч Жо Мерсер 1964 онд эрүүл мэндийн шалтгаанаас Дик Тайлорт албаа шилжүүлжээ. Тэр Астон Виллаг гурван жил удирдсаны эхний хоёрт нь хүснэгтийн 16-д, сүүлийн жилээ 21-р байрт оруулан гурав дахь удаад нь доод лиг рүү унагасан хангалтгүй үзүүлэлттэй нэгэн байв. Түүний дараа Томми Каммингс, Шотланд мэргэжилтэн Томми Дохерти нар багийг доод лигт тун хангалтгүй үзүүлэлтээр богино хугацаанд дасгалжуулсан байдаг байна. 1969-70 оны улиралд Томми Дохертигийн удирдлаган дор Виллачууд анх удаагаа гуравдугаар дивиз рүү унах амжилтыг үзүүлсэн бөгөөд багийн тоглолтын хэв маяг дээрх гурван дасгалжуулагчдын үед бүрэн алдагдаж байсан гэхэд болно. Харин Астон Виллагийн дотор уур амьсгалыг тун сайн мэдэх Уэльс мэргэжилтэн Вик Кроу 1970 оноос багийг удирдах болсноор энэ байдал нааштайгаар эргэж эхэлсэн байна. 1971-72 оны улиралд Вилла гуравдугаар дивизийг 70 оноогоор[8] тэргүүлэн хоёрдугаар дивиз рүү дэвшжээ. 1974 онд Англи мэргэжилтэн Рон Сондерс дасгалжуулагчаар томилогдож Астон Вилла дараа жил нь тэргүүн лигт дэвшин гарч ирсэн байна. 1977 оноос Европын тэмцээнүүдэд тогтмол оролцож эхэлсэн байна.[9]

1982 оны Европын цомын аварга болоод баярлаж буй Виллачууд

Нэгдүгээр дивизийн долоо дахь түрүүгээ Вилла 1980-81 онд авсан бөгөөд дараа жил нь Европын цомд Тони Бартоны удирдлаган дор Исландын Валюр, Германы Динамо Берлин, Украйны Динамо Киев, Бельгийн Андерлехт, Германы Бавари Мюнхен багуудыг буулган авч түрүүлсэн түүхтэй. Европын Супер цомоо 1983 оны нэгдүгээр сард Испанийн Барселона багийг хоёр тоглолтын нийлбэр 3-1 харьцаагаар хожин хүртэж байв. 1980 оны эхэн үе ийнхүү амжилтаар дүүрэн байсан ч 1987 онд лигтээ 8 хожил, 12 тэнцээ, 22 хожигдолоор хамгийн сүүлд буюу 22-р байр эзлэн доод лиг рүү унасан юм.[10] Хожмоо Английн шигшээ багийг удирдаж байсан Грэм ТэйлорАнглийн Эзэнт гүрний одонт 1987 онд Астон Виллагийн дасгалжуулагчаар томилогдсоноор эргэн тэргүүн лигтээ гарч ирэн улмаар 1989-90 оны хоёрдугаар байранд орсон байна.[11]

Вилла 1992 онд Премьер лиг байгуулагдахад анхдагч гишүүдийн нэгээр сонгогдож, анхны тэмцээнд нь Манчестер Юнайтедийн ард хоёрдугаар байр эзлэж байв.

1968-1975 болон 1982-2006 онуудад багийн хөрөнгө санхүүг нь хариуцаж байсан бизнесмэн Дуг ЭлисАнглийн Эзэнт гүрний одонт 2006 оны зун Астон Вилла багийг 63 сая фунт стерлингийн үнэ хүргэн зарсанаар Америкийн тэрбумтан, "Үндэсний Хөлбөмбөгийн лиг"-ийн Кливленд Браунс багийн эзэн Рэнди Лернерийн[12] мэдэлд шилжсэн юм. Мөн Ирланд мэргэжилтэн Мартин О'НилийгАнглийн Эзэнт гүрний одонт Шотландын Селтик багаас 2006 онд урьж авчран өнөөдрийг хүртэл ажиллуулж байгаа. Лернерийн эрин үеийн анхны цомын шигшээ тоглолт 2010 оны 2 сарын 28-нд Уэмблийн цэнгэлдэхэд болж өнгөрсөн юм. Манчестер Юнайтед багтай тоглосон уг тоглолтонд 2-1 харьцаагаар Вилла ялагдал хүлээсэн билээ.[13]

Цэнгэлдэх хүрээлэн[засварлах]

Вилла Парк
Villaparkfromtopofholte.jpg
Хуучин нэр Астон Ловер Граундс
Байрлал Тринити, Бирмингем B6 6HE
Нээгдсэн 1897
Эзэмшигч Хөлбөмбөгийн Астон Вилла баг
Оператор Астон Вилла
Гадаргуу Зүлэг
Байгуулсан зардал £16,400 (£25 сая)[14]
Багтаамж 42,788[15][16]
Талбайн хэмжээ 105 x 68 метр
344 x 226 тохой
Түрээслэгч
Астон Вилла (1897–одоог хүртэл)

Шагналууд[засварлах]

1894–95 оны АХХ-ны цомын тэмцээний үеэр Астон Вилла баг

Европын[засварлах]

  • Европын цом:
    • Түрүү (1): 1982
  • УЕФА-гийн Супер цом:
    • Түрүү (1): 1982–83
  • УЕФА Интертото цом:
    • Түрүү (1): 2001[17], 2008

Дотоодын[засварлах]

Лиг
  • Нэгдүгээр дивиз:
    • Түрүү (7): 1893–94, 1895–96, 1896–97, 1898–99, 1899–1900, 1909–10, 1980–81
    • II байр (10): 1889, 1903, 1908, 1911, 1913, 1914, 1931, 1933, 1990, 1993
  • Хоёрдугаар дивиз:
    • Түрүү (2): 1937–38, 1959–60
    • II байр (2): 1975, 1988
  • Гуравдугаар дивиз:
    • Түрүү (1): 1971–72
Цомууд
  • Английн хөлбөмбөгийн холбооны цом:
    • Түрүү (7): 1887, 1895, 1897, 1905, 1913, 1920, 1957
    • II байр (3): 1892, 1924, 2000
  • Лигийн цом:
    • Түрүү (5): 1961, 1975, 1977, 1994, 1996
    • II байр (3): 1963, 1971, 2010
  • Charity Shield:
    • Түрүү (1): 1981 (хамтран)
    • II байр (3): 1910, 1957, 1972

Тоглогчид[засварлах]

2009 Aston Villa.jpg
2010 оны есдүгээр сарын 3-ны байдлаар.[18][19][20]
Астон Вилла багийн ахлагч Стилиян Петров.

Одоогийн бүрэлдэхүүн[засварлах]

Сүүлд шинэчилсэн нь: 2011 оны долоодугаар сарын 2.

Тэмдэглэл: Төрийн далбаанууд нь ФИФА буюу Олон улсын хөлбөмбөгийн холбоонд тухайн тоглогчийн аль улсын нэрийн өмнөөс тоглодог болохыг заасан.

Д. Байрлал Тоглогч
1 Ирландын Бүгд Найрамдах Улс GK Шэй Гивен
2 Англи DF Люк Янг
3 Англи DF Стивен Уорнок
5 Ирландын Бүгд Найрамдах Улс DF Ричард Данн
7 Ирландын Бүгд Найрамдах Улс MF Стефен Айрленд
9 Англи FW Даррен Бент
11 Англи FW Габриэль Агбонлахор
12 Англи MF Марк Олбрайтон
14 Англи FW Натан Дельфунесо
16 Англи MF Фабиан Делф
17 Камерун MF Жан Макун
18 Англи FW Эмиль Хески
19 Болгар MF Стилиян Петров (Ахлагч)
21 Ирландын Бүгд Найрамдах Улс DF Киран Кларк
22 Америк GK Брэд Гузан
Д. Байрлал Тоглогч
23 Сенегал DF Хабиб Бэй
24 Испани DF Карлос Куэльяр
25 Шотланд MF Барри Баннан
26 Австри FW Андрэас Вайман
28 Англи MF Жонатан Хоог
29 Уэльс DF Жэймс Коллинз
30 Америк DF Эрик Личей
31 Австрал MF Крис Херд
32 Англи DF Натан Бэкер
33 Англи GK Энди Маршалл
34 Австрал DF Шэйн Лоури
35 Англи MF Даниэль Жонсон
38 Англи MF Гэри Гарднер
43 Англи GK Эллиот Париш

Алдартай тоглогчид[засварлах]

  • Австрал Марк Боснич
  • Англи Питер Вит
  • Англи Брайн Литл
  • Англи Гарет Саутгейт
  • Англи Гари Шо
  • Англи Тони Морли
  • Англи Дариус Вассел
  • Англи Пол Берч
  • Англи Билли Уокер
  • Англи Жерри Хитченс
  • Англи Дэвид Платт
  • Англи Питер Крауч
  • Англи Сэм Харди
  • Англи Том Уоринг
  • Англи Габриэль Агбонлахор
  • Англи Эмиль Хески
  • Англи Эшли Янг
  • Англи Жеймс Милнер
  • Англи Гордон Кованс
  • Англи Жонни Диксон
  • Англи Гарет Бэрри
  • Болгар Стилян Петров
  • Дани Мартин Лаурсен
  • Дани Питер Шмейшель
  • Дани Кент Нильсон
  • Ирландын Бүгд Найрамдах Улс Ричард Данн
  • Ирландын Бүгд Найрамдах Улс Пол МакГрат
  • Ирландын Бүгд Найрамдах Улс Стив Стонтон
  • Колумб Хуан Пабло Анхель
  • Ирландын Бүгд Найрамдах Улс Дэнни Бланчфлаур
  • Ирландын Бүгд Найрамдах Улс Питер МакПаланд
  • Ирландын Бүгд Найрамдах Улс Крис Николл
  • Америк Брэд Фридель
  • Тринидад ба Тобаго Дуайт Йорк
  • Уэльс Тревор Форд
  • Уэльс Марк Делани
  • Франц Дэвид Жинола
  • Швед Олаф Мельборг
  • Шотланд Шон Мэлоуни
  • Шотланд Жорж Рэмзи
  • Шотланд Дэс Бремнер
  • Шотланд Арчи Хантер
  • Шотланд Энди Грэй
  • Эквадор Улисес де ла Крус

Дасгалжуулагчид[засварлах]

Дасгалжуулагч Хугацаа
Шотланд Жорж Рэмзи 08.1884—05.1923
Англи В. Ж. Смит 08.1926—05.1934
Шотланд Жимми Макмаллан 06.1934—10.1935
Англи Жимми Хоган 11.1936—09.1939
Шотланд Алекс Мэсси 08.1945—08.1950
Англи Жорж Мартин 12.1950—08.1953
Англи Эрик Хаутон 09.1953—11.1958
Англи Жо Мерсер 12.1958—07.1964
Англи Дик Тэйлор 07.1964—05.1967
Англи Томми Каммингс 07.1967—11.1968
Шотланд Томми Дохерти 12.1968—01.1970
Уэльс Вик Кроу 01.1970—05.1974
 
Дасгалжуулагч Хугацаа
Англи Рон Сандерс 06.1974—02.1982
Англи Тони Бартон 02.1982—06.1984
Англи Грэм Тёрнер 07.1984—09.1986
Шотланд Билли Макнилл 09.1986—05.1987
Англи Грэм Тэйлор 05.1987—07.1990
Словак Йозеф Венглош 07.1990—05.1991
Англи Рон Аткинсон 07.1991—11.1994
Англи Брайан Литтл 11.1994—02.1998
Англи Жон Грегори 02.1998—01.2002
Англи Грэм Тэйлор 02.2002—05.2003
Хойд Ирланд Дэвид О'Лири 05.2003—07.2006
Хойд Ирланд Мартин О'Нил 08.2006—2010
Шотланд Жерар Улье 08.2010—06.2011
Шотланд Алекс Маклиш 06.2011—

Эшлэл[засварлах]

  1. "Aston Villa Football Club information", BBC, 1 January 2010. 26 June 2007-нд авсан. 
  2. Villa held by 10 man United (match attendance at top). Sky Sports (10 February 2010). 11 February 2010-д хандсан.
  3. "Aston Villa 1 – 1 Man Utd (match attendance at bottom)", BBC Sport, 11 February 2010. 10 February 2010-нд авсан. 
  4. Aston Villa Hall of Fame. Aston Villa F.C.. the original on 15 October 2007-с архивлагдсан. 15 September 2008-д хандсан.
  5. Ward, Adam; Griffin, Jeremy; p.71
  6. Ward, Adam; Griffin, Jeremy; pp.86–87
  7. Ward, Adam; Griffin, Jeremy; p.93
  8. Ward, Adam; Griffin, Jeremy; p.106
  9. Ward, Adam; Griffin, Jeremy; p.111
  10. Ward, Adam; Griffin, Jeremy; p.148
  11. Ward, Adam; Griffin, Jeremy; p.155
  12. "Lerner set to complete Villa deal", BBC Sport, 27 September 2006. 15 September 2008-нд авсан. 
  13. "Aston Villa 1 – 2 Man Utd", BBC, 28 February 2010. 28 February 2010-нд авсан. 
  14. Hayes, Dean, p.170
  15. Villa held by 10 man United (match attendance at top). Sky Sports (2010-02-10). 2010-02-11-д хандсан.
  16. Aston Villa 1 – 1 Man Utd. BBC Sport (2010-02-11). 2010-02-10-д хандсан.
  17. Aston Villa F.C. club Honours. Aston Villa F.C.. 15 September 2008-д хандсан.
  18. "Squad numbers announced for new campaign", Aston Villa F.C., 12 August 2010. 12 August 2010-нд авсан. 
  19. Squad list. Aston Villa F.C.. 20 August 2009-д хандсан.
  20. "Aston Villa re-sign keeper Marshall after summer exit", BBC Sport, 3 September 2010. 3 September 2010-нд авсан. 

Нэмэлтээр уншиж болох[засварлах]

  • Brown, Danny; Milo Brittle (2006). Villains: The Inside Story of Aston Villa's Hooligan Gangs. Milo Books. ISBN 978-1903854594. 
  • Goodyear, David; Matthews, Tony (1988). Aston Villa—A Complete Record 1874–1988. Breedon Books. ISBN 0907969372. 
  • Hayes, Dean. The Villa Park Encyclopedia: A-Z of Aston Villa. Mainstream Publishing (2 October 1997). ISBN 978-1851589593. 
  • Ward, Adam; Griffin, Jeremy. The essential history of Aston Villa. Headline book publishing (2002). ISBN 075531140X. 

Холбоос[засварлах]