Бараан толбот мэлхий

Чөлөөт нэвтэрхий толь — Википедиагаас
Харайх: Удирдах, Хайлт
Бараан толбот мэлхий
Pelophylax nigromaculatus s1.JPG
Ховордолтын зэрэглэл
200px
Ховордох дөхсөн (IUCN3.1)
Биологийн ангилал
Аймаг: Амьтан
Хүрээ: Хөвчтөн
Анги: Хоёр нутагтан
Баг: Мэлхий
Овог: Жинхэнэ мэлхий
Төрөл: Pelophylax
Зүйл: P. nigromaculatus
Латин нэр
Pelophylax nigromaculatus

Бараан толбот мэлхий буюу хар толбот мэлхий, Pelophylax nigromaculatus (хуучин Rana nigromaculata гэдэг байв), нь Зүүн Азид тархсан, жинхэнэ мэлхийн нэг зүйл юм. Хятадын зүүн, зүүн хойд хэсэг, Оросын Хар мөрний хөндий, Солонгосын хойг, Японы Хоккайдогоос бусад ихэнх нутагт байдаг. Солонгосын хойгт хамгийн өргөн тархсан жинхэнэ мэлхий бөгөөд хүнсний зориулалтаар агнахаас гадна туршлагын амьтан болгож ашигладаг байна.

Бараан толбот мэлхий нь харьцангуй нам дор газар амьдардаг бөгөөд 2200 метрээс дээш өндөрт тааралддаггүй. Гэхдээ цөл, тарчиг ургамал бүхий газраас нуга, ойд хүртэл амьдардаг бөгөөд тогтоол буюу удаан урсгалтай усны орчмоос олддог. Бараан толбот мэлхийг агнах явдал ихэсч, усны бохирдол газар авсаар байгаа ч иймэрхүү хүний хүчин зүйлст харьцангуй тэсвэртэй зүйл юм.

Нас бие гүйцсэн бараан толбот мэлхий 6-9 см урттай, эмэгчин нь заримдаа эрэгчнээсээ том байдаг. Эрэгчин нь ганц хос дууны хүүдийтэй. 4-өөс 6 сард нийллэг нь явагдаж, гүехэн усанд 1800 - 3000 өндөг гаргадаг байна.

Эшлэл[засварлах]

  • Kuzmin, S., Maslova, I., Tuniyev, B., Matsui, M., Pipeng, L. & Kaneko, Y. (2004). Rana nigromaculata. 2006. Байгаль Хамгаалах Олон Улсын Холбооны Ховордсон амьтдын улаан жагсаалт. IUCN 2006. www.iucnredlist.org. 2007-06-12-д авсан.
  • 참개구리. Naver Encyclopedia. 2009 оны 11 сарын 9-д хандсан.
Викизүйлд Бараан толбот мэлхий-тай холбоотой мэдээлэл байна.
Commons
Викимедиа дуу дүрсний сан: Бараан толбот мэлхий