Батын Дорж

Батын Дорж
Төрсөн
ХарьяалалМонгол үндэстэн
Иргэншил Монгол
Мэргэжилцэргийн зүтгэлтэн

Батын Дорж (* 1914 оны 9 сарын 17, Завхан аймгийн Алдархаан сум; † 1982 оны 7 сарын 23) нь БНМАУ-ын Улсын баатар, анхны Армийн Генерал (1971 онд), цэргийн зүтгэлтэн, улс төрч, Элчин сайд зэргийн нэр хүндтэй ажлыг нэр төртэйгээр биелүүлж явсан хүн юм.

Намтар[засварлах | кодоор засварлах]

  • 1929-33 онд сумын зарлага, галч, хамтралын тариачин, агтны дарга,
  • 1935-36 онд Ардын хувьсгалт цэргийн морин сургуульд сурагч, салааны орлогч,
  • 1936-37 онд дунд даргын курст сонсогч, салааны дарга,
  • 1938-40 онд мөн дивизийн 1-р хорооны 2-р сумангийн дарга, 1-р морьт дивизийн дарга бөгөөд УБ хотын гарнизоны дарга,
  • 1940-48 онд Хилийн ба Дотоодын Цэргийн ХЭГ-ын дарга, ДЯЯ-ны цэргийн хэргийг эрхэлсэн орлогч сайд,
  • 1948-52 онд ЗХУ-ын Фрунзийн академи, Жанжин штабын цэргийн академийн дээд курст сурч төгссөн.
  • 1952-56 онд Чойбалсан дахь морьт бригадын дарга, Монгол-Зөвлөлтийн хувь нийлүүлсэн, “Совмонгол металл” нийгэмлэгийн ерөнхий захиргааны орлогч,
  • 1956-59 онд ЦНАХХЭГ-ын сайд,
  • 1959-61 онд НАХЯ-ны сайд,
  • 1961-68 онд БНАСАУ-д, БНАГУ-д, ХБНСЮУ-д БНМАУ-аас суусан Онц бөгөөд Бүрэн эрхт Элчин сайд,
  • 1968-69 онд НАХЯ-ны орлогч сайд бөгөөд Хилийн ба Дотоодын Цэргийн ХЭГ-ын дарга,
  • 1970 онд К.Е Ворошиловын нэрэмжит ЗХУ-ын Зэвсэгт хүчний Жанжин штабын академийн дээд курс төгссөн,
  • 1969-78 онд БХЯ-ны сайд,
  • 1978-82 онд ХТАЗХ-ны даргаар ажиллажээ.

Засгийн газрын шийдвэрээр 1940-1948 он хүртэл баруун хязгаарыг тохинуулах тусгай группийн командлагчаар томилогдон, улсын хил цөмөрсөн Гоминдан, Османы дээрэмчдийг устгах, Ховд, Баян-Өлгий, Говь-Алтайн иргэдийн амь нас, эд хөрөнгийг хамгаалах, хилийн чанадад тусгай ажиллагаа зохион байгуулах үүргийг амжилттай биелүүлжээ.

Гавьяа Шагнал[засварлах | кодоор засварлах]

БНМАУ-ын[засварлах | кодоор засварлах]

  • АИХТ-ийн 1974 оны 253 дугаар зарлигаар Улсын баатар цол
  • Сүхбаатарын одон 2 удаа
  • Байлдааны гавьяаны улаан тугийн одон 2 удаа
  • Хөдөлмөрийн гавъяаны улаан тугийн одон
  • Алтангадас одон 2 удаа
  • Хүндэт хилчин
  • Байлдааны ба ойн медалиуд,

Гадаад Орны[засварлах | кодоор засварлах]

  • ЗХУ-ын Лениний одон
  • ЗХУ-ын Улаан Тугийн одон
  • ЗХУ-ын Эх орны дайны 2-р одон
  • БНБАУ-ын Улаан тугийн одон
  • Югославын улаан тугийн
  • БНАСЧУ-ын улаан таван хошуу одон болон бусад медалиудаар шагнагджээ.

БНМАУ-ын Ардын Армийн цол[засварлах | кодоор засварлах]

Б.Доржид БНМАУ-ын ЦЯЯ-ны сайд бөгөөд Бүх цэргийн жанжны тушаалаар 1940 онд дивиз командлан захирагч, 1942 онд корпус командлан захирагч цол, БНМАУ-ын Ардын Сайд нарын Зөвлөлийн 1944 оны 4 дүгээр сарын 8-ны өдрийн 52 дугаар тогтоолоор Хошууч генерал 1956 оны 6 дугаар сарын 8-ны өдрийн 52 дугаар тогтоолоор Дэслэгч генерал, 1969 оны 7 дугаар сарын 4-ний өдрийн 228 дугаар тогтоолоор Хурандаа генерал, 1971 оны 3-дугаар сарын 9-ний өдрийн 68 дугаар тогтоолоор армийн генерал цолоор тус тус шагнуулжээ.

Сонгуульт ажил[засварлах | кодоор засварлах]

  • АИХ-ын депутатаар 6
  • МАХН-ын ТХ-ны гишүүнээр 7 удаа сонгогдсон.

Дурсгал[засварлах | кодоор засварлах]

1982 оны 260-р зарлигаар хилийн 0130-р ангийг түүний нэрэмжит болгожээ.

Хөшөөг нь төрсөн нутаг Завхан аймгийн Алдархаан сум, Завхан аймгийн Улиастай хот, Ховд аймгийн Үенч суманд тус тус босгосон.