Виктор Цой

Чөлөөт нэвтэрхий толь — Википедиагаас
Харайх: Удирдах, Хайлт
Виктор Цой
Виктор Цой, 1986 жил
Төрсөн 1962 он
Санкт-Петербург
Нас барсан 1990 он
Латви
Үндэстэн Оросын солонгос
Ажил хөгжмийн зохиолч, дуучин, хөгжимчин, жүжигчин, барималч, сийлбэрч байв
Виктор Цойн хөрөг бүхий ОХУ-ын шуудангийн тэмдэгт

Виктор Робертович Цой (орос. Виктор Робертович Цой ; 1962 оны 6 сарын 21 – 1990 оны 8 сарын 15) нь ЗХУ-ын хөгжмийн зохиолч, дуучин, хөгжимчин, жүжигчин, барималч, сийлбэрч байв. "Кино" хамтлагийг үүсгэн зохион байгуулагч, ахлагч нь байсан. Мөн хэд хэдэн кинонд тоглосон (Игла, Асса)юм.

Тэрээр Ленинград (одоогийн Санкт-Петербург) хотод инженер Роберт Максимович Цой болон биеийн тамирын багш Валентина Васильевна Цой нарын гэр бүлд цорын ганц хүү нь болон мэндэлжээ. Оросын хамгийн алдартай рок од 23 жилийн өмнө таалал төгссөн ч түүнийг хэн ч мартаагүй аж. Цойгийн вебсайтнаас 15 настай охид одоог хvртэл салдаггvй бөгөөд “Витька”-даа зориулж шүлэг бичсээр л байна. “Кино” хамтлаг нь зөвлөлтийн рок хамтлагуудаас хамгийн шилдэг нь байсан. Энэ нь зvгээр нэг үгсийн нийлбэр биш юм. Урьд нь оросын рок хөгжимчдөөс хэн ч хийж чадаагvй зүйлийг “Кино” хамтлаг хийсэн. Тэрээр рокийг моодонд оруулсан юм. Лужникид тоглосон “Кино” хамтлагийн сүүлийн концертон дээр (хэн ч энэ тоглолтыг сүүлчийх гэж мэдээгvй, хэрвээ мэдсэн бол арав дахин их цугларах байсан) 64 мянган хvн цугларсан юм. Ийм их үзэгчид Москвад 1998 онд The Rolling Stones хамтлагийн цорын ганц тоглолтон дээр л цуглаж байжээ. Цой питерийн “шинэ давалгаа”- тай хамт гараагаа эхэлсэн ч эдгээр бүх суутнуудаас ганцаараа л орчин цагийн хэллэгээр хитмэйкерийн авьяасыг төгс эзэмшсэн рокер байсан аж. Тvvнд сая сая хүмүүс татагдахаас өөр аргагvй хангалттай сайхан, хангалттай энгийн нэгэн байсан юм. Нэрд гаргасан түүний анхны цомог нь “45″ гэсэн нэртэй бөгөөд энэ цомгоо 1982 онд (энэ үед тэрээр 20 настай байсан) бичүүлж байжээ. ТМС-ээ төгсөөд Цой өөрөөсөө дөрөв эгч Марианна гэдэг бүсгүйтэй танилцжээ. Хожим энэ бүсгүй түүний эхнэр төдийгүй хүүхдийх нь эх болжээ. 1990 онд Марианна хүү Сашагаа авч явав. Хүүгээ орхин явсандаа ихэд шаналж, аль болох хүүдээ ойр байхыг Виктор хүсч байлаа. Тиймээс ч ийм аялал тун хэрэгтэй гэж бодон хүүгээ цуг авч явдаг байсан аж.

1990 оны 8 сарын 15-ны 12 цаг 28 минутад автомашины ослоор нас барсан юм. ЗСБНЛатви Улсын нутгийн Тукумси хотоос холгүй байх «Слока — Талси» трассын 35 дахь километр дээр энэхүү осол болжээ. Осол гардаг тэр өдөр Виктор хүүгээ орхисон аж. Тэрээр Их хурдтай явж байхдаа жолооны ард унтсанаас болж түүний унаж явсан цагаан саарал «Москвич-2141» нь эсрэг урсгалд орж «Икарус-250» автобустай мөргөлдсөн гэж албан ёсны тайлбарт өгүүлдэг. Мөн янз бүрийн өөр таамаг ч байдаг юм.