Винсент ван Гог

Өөрийн хөрөг (1887 он)

Винсент Виллем ван Гог (голланд хэл. Vincent Willem van Gogh, 1853 оны 3-р сарын 30-нд төрсөн- 1890 оны 7-р сарын 29-нд нас барсан) Голландын пост-импрессионист зураач.[1] Түүний зарим зураг өнөөдөр дэлхийд хамгийн алдартай, нэртэй, үнэтэй бүтээлүүд болсон.

Ван Гог 16 наснаасаа эхэлж Хааг дахь авга ахынхаа урлагийн бүтээл худалддаг пүүст ажилладаг байлаа. Богинохон хугацаанд багшилсныхаа дараа тэрээр Амстердамын Их Сургуулийн шашны номлолын факультетэд 2 жил суралцаад маш ядуу уул уурхайн бүс нутагт шашин сурталчилан дэлгэрүүлэх газарт ажиллах болжээ. 1879 онд номлогчийн ажлаасаа халагдсанаар түүний ядуу тарчиг, тэнүүлчин амьдрал эхэлсэн байна. 1880 он хүртэл уран зургийн чиглэлээр ажиллаж эхлээгүй юм. Эхэндээ Ван Гог даруухан өнгөөр зургийн хуулбар хийж, хаяа байгаль дээр судалбар зураг зурдаг байж байгаад Парист импрессионизм, нео-импрессионизмтай танилцжээ. Тэрээр өвөрмөц танигдахуйц хэв маягтаа тод өнгө, будалтын хэв маягийг тусгасан. Энэхүү шинэ хэв маягаа тэрээр Францын Арль хотод (франц. Arles) байхдаа бүрэн хөгжүүлжээ. Амьдралынхаа сүүлийн арван жилийн хугацаанд нийтдээ 2000 гаруй бүтээл туурвисны дотор 900 орчим нь тосон будгаар зурсан зураг, 1100 зураасан зураг, ноорог бүтээжээ. Хамгийн их алдаршсан бүтээлүүдээ амьдралынхаа сүүлийн хоёр жилд бүтээсэн бөгөөд чухам энэ үед тэр Поль Гогентой андын харилцаагаа тасалснаас болж зүүн чихээ өөрөө огтолсон билээ. Үүнээс хойш түүний сэтгэцийн өвчин үе үе хөдлөн улам хүндэрч, улмаар амиа хорлоход хүргэсэн.

Ван Гогийн амьдралд нөлөө үзүүлсэн гол хүн бол мөнгө төгрөгөөр харамгүй, байнга дэмжиж байсан түүний 4 насаар дүү Теодорус Ван Гог (Тео) юм. Тэдний насан туршийн үерхэл нөхөрлөл нь 1872 оны 8-р сараас хойш харилцаж байсан олон захидлаас нь харагддаг. Ван Гог сүүлд экспрессионизм гэгдэх болсон урсгалыг анх үндэслэгчдийн нэг юм. Тэрээр орчин үеийн урлагт, ялангуяа фовизм болон Германы экспрессионизмд асар их нөлөө үзүүлсэн ажээ.

Галерей[засварлах | кодоор засварлах]

Лавлах материал[засварлах | кодоор засварлах]

Эшлэл[засварлах | кодоор засварлах]

  1. Rewald, John. Post-Impressionism: From van Gogh to Gauguin, revised edition, Secker & Warburg 1978, ISBN 0-436-41151-2

Номзүй[засварлах | кодоор засварлах]

  • Beaujean, Dieter. Vincent van Gogh: Life and Work, Könemann 1999, ISBN 3-8290-2938-1
  • Bernard, Bruce (ed.), Vincent by Himself. London: Time Warner, 2004.
  • Callow, Philip. Vincent van Gogh: A Life, Ivan R. Dee, 1990, ISBN 1-56663-134-3
  • Erickson, Kathleen Powers. At Eternity's Gate: The Spiritual Vision of Vincent van Gogh, 1998, ISBN 0-8028-4978-4
  • Gayford, Martin. The Yellow House: Van Gogh, Gauguin, and Nine Turbulent Weeks in Arles, Fig Tree, Penguin, 2006, ISBN 0-670-91497-5
  • Hammacher, A.M. Vincent van Gogh: Genius and Disaster, Harry N. Abrams, Incorporated, New York, 1985, ISBN 0-8109-8067-3
  • van Heugten, Sjraar Van Gogh The Master Draughtsman, Thames and Hudson, 2005 ISBN 978-0-500-23825-7
  • Hulsker, Jan. Vincent and Theo van Gogh, a dual biography, Fuller Publications, Ann Arbor, 1990, ISBN 0-940537-05-2
  • Rewald, John. Post-Impressionism: From van Gogh to Gauguin, revised edition, Secker & Warburg 1978, ISBN 0-436-41151-2
  • Walther, Ingo F., and Metzger, Rainer. Van Gogh: the Complete Paintings, Benedikt Taschen 1997, ISBN 3-8228-8265-8
  • Wilkie, Ken. The Van Gogh Assignment, Paddington Press, 1978; republished: The Van Gogh File. A Journey of Discovery, Souvenir Press, 1990, ISBN 0-285-62965-4
  • Wilkie, Ken. In Search of Van Gogh, 1991, ISBN 1-55958-101-8
  • Grossvogel, David I. "Behind the Van Gogh Forgeries: A Memoir by David I. Grossvogel" Authors Choice Press (March 2001), ISBN 0-595-17717-4
  • Винсент ВАН-ГОГ амьдрал, уран бүтээл, захидлууд , Балгансүрэнгийн Нацагдорж
† Гуравдагч эх сурвалж

Цахим холбоос[засварлах | кодоор засварлах]

 Commons: Vincent van Gogh – Викимедиа зураг, бичлэг, дууны сан