Ереван

Чөлөөт нэвтэрхий толь, Википедиагаас
Харайх: Удирдах, Хайлт
Ереван
—  хот  —
Арарат уулыг багтаасан Ереваны алсын бараа

Сүлд туг

Сүлд тэмдэг
Эзэн улс Flag of Armenia.svg Армен (БНАрмУ)
Дотроо 12 дүүрэгтэй
Газар нутаг 227 км²
Газрын байц д.т.д. 989 м
Хүн ам (2011) 1,121,900 хүн
– Бөөгнөрөлд 1,230,000 хүн
НТӨ 782 онд суурин үүссэн
1918 оноос Армен улс, орны нийслэл
Утасны дуг. (+374) 10
Цахим газар yerevan.am

Ереван хот Араратын хөндийн зах, Армены тэгш өндөрлөгийн төв хэсэгт Храздан голыг бараадан д.т.д. 990-1390 м өндөрт оршдог. Хот Храздан голын хоёр эрэгт гаран өргөжсөн. Нэр зүйлчлэлийн хувьд улсынхаа аймаг (марз)-тай эрх тэнцүү ганц хот нь юм.

МЭӨ VIII зуунд I Аргишти ван «Эрэбүни» хэмээх цайзыг энд босгуулжээ. Он цагийн явцад «Эрэвани», «Эрэван» гэж хувирсаар орчин үед «Ереван» (арменаар Երևան [jɛɾɛˈvɑn]) нэртэй болж тогтсон. 1827 оноос эзлэн авсан хаант Оросын үед хошуу, дараа нь аймгийн хэмжээний хот байсан бол XX зуунд Армен орны түүхэн 13-р нийслэл, засаг захиргаа, аж үйлдвэрийн гол хот болон өндийжээ. 1918-1920 онд Анхдугаар БНАрмУ-ын, 1920-1991 онд ЗСБНАрмУ-ын нийслэл гэж хэлэгдэж байлаа. Шинэ цаг буюу 1991 оноос эхлээд тусгаар тогтносон бүрэн эрхт Бүгд Найрамдах Армен Улс (БНАрмУ)-ын нийслэл гэж дуудах болсон. XXI зуун гарахад өмнөх үед байгаагүй чөлөөт зах зээл, худалдаа, унд зоогийн газар зэрэг шинэ үеийн үйлчилгээ дэлгэрсэн хот болон хувьсч байгаа.

XX зууны эхэнд Ереван 29 мянган хүнтэй байхад 49% нь азербайжан, 48% нь армен үндэстэн байсан тооцоо бий. Одоо харин арменаар (99%) дагначихсан. 2011 оны байдлаар улсын хүн амын 34%-тай тэнцэх 1 сая 122 мянган хүн энд оршин сууж байна.

Зураг[засварлах]

Гадаад холбоос[засварлах]

Wikimedia Commons has media related to Ереван.