Жакарта

Чөлөөт нэвтэрхий толь, Википедиагаас
Харайх: Удирдах, Хайлт
Жакарта хот
—  онцгой нутаг  —
Нийслэл Жакартын онцгой нутаг
 • индонезээр Daerah Khusus Ibu Kota Jakarta
 • англиар Special Capital Region of Jakarta
 • оросоор Особый столичный
округ Джакарта

Сүлд туг

Сүлд тэмдэг
Индонез дахь Жакарта нутаг (томруулж харах)
Улс орон Flag of Indonesia.svg Индонез
Муж, нутаг Жакарта
Дотроо (6) Нэр бүхий 5 дүүрэг, 1 хошуу
Газар нутаг 740.28 км²
Хүн ам 2010 онд 9,607,787 хүн
Нягт сийрэг 14470 хүн/км²
Ард түмэн 35% - жава, 28% - Бетави,
15% - сунда, 6% - хятад
Нутгийн олон Жакартынхан
1966 он Өнөөгийн онцгой нутаг үүссэн
Засаг дарга Жоко Видодо
Цагийн бүс Өрнө Индонезийн цаг (ГЦ+7)
Утасны дуг. +62 21
Цахим газар jakarta.go.id (индонезээр)

Жакарта (дуудлага нь Жакаар-та, кирилл монгол гээгдэх эгшгийн дүрмээр Жакарт, дуудлага нь Жакаарт; худам монголоор жакарта; индонезээр Jakarta, дуудлага нь Жаа-карда; оросоор Джака́рта; англиар Jakarta) — Индонез улсын нийслэл, улсынхаа хамгийн том, 10.2 сая хүнтэй хот.

Энгийнээр бол Индонезийн улсын 34 мужийн, яг хэлвэл мужтай тэнцэх онцгой байр суурьт 2 хотын (нөгөө нь Иогякарта) нэг нь Жакарта юм. 740.28 км² газар нутгийг эзлэх энэхүү хот мужийг албан ёсоор Нийслэл Жакартын онцгой нутаг (индонезээр Daerah Khusus Ibu Kota Jakarta) гэнэ. Дэлхийн 4-р олон хүнтэй Индонез улсын хамгийн том хот болох Жакарта нь Дорно-Өмнө Азийн тэргүүн их, дэлхийн 13-р олон хүнтэй хот гэдэг нь баттай. Жакарта хотын бөөгнөрлийг янз бүрээр тооцдогоос албан ёсных буюу 6,682.8 км² нутгийг хамрах "Жаботедабекжур" нутагт 2010 онд 28.3 сая хүн байна гэж тоологджээ.

Жакартын газарт лав 4-р зууны үед суурин байсан. Түүхэнд 397–1527 оны үеийг нь "Сунда Келапа" (Sunda Kelapa), 1527–1619 оныхыг "Жаякарта" (Jayakarta), 1619-1942 оныхыг "Батавиа" (Batavia) зэргээр нэрийдэж байв. Колонийн үеийн Батавиаг халсан "Жакарта" гэх нэр нь өмнөх Жаякарта (хуучин жава, бүр самгард хэлний үг) гэдэг үгний хураагдсан хэллэг юмсанжээ.

Сукарно-Хатта, Халим-Перданакусума гэх хоёр нисэх буудал, далайн Танжун боомтоор олон улстай холбогддог. АСЕАН-ы төв байр Жакартад байдаг.

Засаг захиргааны хуваарь[засварлах]

Жакартыг одоо үйлчилж буй засаг захиргааны хуваариар Индонезийн 2-р зэргийн хот (kota)-оос ялгаатай буюу, 1-р зэргийн муж (provinsi)-тай тэнцэх "Нийслэл Жакартын онцгой нутаг" (Daerah Khusus Ibukota Jakarta) гэх учиртай. Дотроо 5 хот (kota, дүүрэг мэт), 1 хошуу (kabupaten, хөдөө) болж хуваагдана:

  • Төв Жакарта (Jakarta Pusat, англиар Central Jakarta) хот, дүүрэг
  • Өрнө Жакарта (Jakarta Barat, англиар West Jakarta) хот, дүүрэг
  • Өмнө Жакарта (Jakarta Selatan, англиар South Jakarta) хот, дүүрэг
  • Дорно Жакарта (Jakarta Timur, англиар East Jakarta) хот, дүүрэг
  • Умар Жакарта (Jakarta Utara, англиар North Jakarta) хот, дүүрэг
  • Мянган арал (Kepulauan Seribu, англиар Thousand Islands) хошуу

Зураг[засварлах]

View of Jakarta from Monas.jpg
Jakarta City Skyline part 2.jpg

Гадаад холбоос[засварлах]

Commons
Викимедиа дуу дүрсний сан: Jakarta