Жамъянжавын Баасанхүү

Жамъянжавын Баасанхүү
Төрсөн	Монгол улсын Булган аймгийн Хишиг-Өндөр сум
Харьяалал	Монгол үндэстэн
Иргэншил	Монгол
Мэргэжил	эмч

Жамъянжавын Баасанхүү (1946 онд Булган аймгийн Хишиг-Өндөр суманд төрсөн)- Монгол улсын Хүний Ардын Эмч цолтой нүдний эмч.

Намтар

• АУДС-ийг 1969 онд төгссөн.
• Москвагийн нүдний бичил мэс заслын институт,
• Тайландын Махедолын их сургууль,
• Солонгосын Сөүлийн их сургууль,
• Английн Лондонгийн их сургуулийн Олон улсын нүдний төв зэрэгт мэргэжил дээшлүүлж иржээ.

1971-1995 онд улсын клиникийн III эмнэлэгт, АУИС, УКТНЭ-ийн нүдний эмч, тасгийн эрхлэгч, нүд судлалын клиникийн удирдагчаар ажиллаж байв.

1983 онд Монголд анх удаа нүдний хиймэл болор суулгах мэс заслын үндсийг тавьсан. 15 жилд 800 гаруй хүнд мэс засал хийжээ.

Тэрбээр нүдний даралтын үед хийгддэг хэд хэдэн бичил мэс засал хэт авианы болон дурангийн мэс засал, шингэн азотыг нүдний өвчний эмчилгээнд нэвтрүүлжээ.

Нүдний бүх өвчинд тусламж үзүүлэх бололцоотой өвч тоноглогдсон "ОРБИС" хэмээх олон улсын НИСДЭГ эмнэлэгт нэг жил ажиллажээ.

Тэрбээр Монгол улсынхаа нүдний өвчнийг анагаах албыг удирдаж байгаа дэлхийн хэмжээний тэргүүлэх эмч юм.

1998 онд Монгол Английн хамтарсан "ВИЖНИ" (Хараа) нэртэй нүдний эмнэлэг байгуулж, уг эмнэлэгийн ерөнхий захирал, зөвлөх эмчээр ажиллан, хөдөө орон нутагт нүдний эмчилгээний шуурхай тусламж хүргэх төслийг хэрэгжүүлсэн.

2001 онд "Болор мэлмий" эмнэлэг байгуулж улсын хэмжээнд нүдний төрөлжсөн нарийн мэргэшлийн тусламж үйлчилгээг 3 эмч, 3 сувилагч гэсэн мэргэжлийн багтайгаар эхлүүлсэн.

Гэр бүл

Нөхөр хошууч генерал Нямсүрэнгийн Алиасүрэн, хүү А.Энхбаяр, хүү А.Мөнхбаяр.

Бүтээлүүд

Тэрбээр олон улсын хурал, зөвлөлгөөнд Монголоо төлөөлөн оролцож, АНУ-ын оптимологи, Европын болон ДЭМБ-ын "Мэдээлэл" сэтгүүлд түүний эрдэм шинжилгээ, судалгааны бүтээлүүд нь хэвлэгджээ.

Цол зэрэг

• клиникийн профессор,
• Америкийн нүд судлалын академийн гишүүн (1997),

Гавьяа Шагнал

• Хүний Гавьяат Эмч,
• Монгол улсын Ардын Эмч /2009/,