Жигжидийн Мөнхбат

Чөлөөт нэвтэрхий толь — Википедиагаас
Харайх: Удирдах, Хайлт
Жигжидийн Мөнхбат
Мөөнөө аврага.jpg
Чөлөөт бөх
Төлөөлдөг улс: Монгол Монгол
Хувийн мэдээлэл
Бүтэн нэр Жигжидийн Мөнхбат
Төрсөн огноо 1941 оны 6 сарын 1 (1941-06-01) (73 настай)
Төрсөн газар Төв, Эрдэнэсант
 
Медалиуд
Зуны олимп
Мөнгө Мехико 1968 87 кг
Дэлхийн АШТ
Хүрэл Шинэ Дели 1967 87 кг

Жигжидийн Мөнхбат (1941 оны 6 сарын 1-нд Төв аймгийн Эрдэнэсант суманд төрсөн) нь Монгол улсын гавьяат тамирчин, хөдөлмөрийн баатар, үндэсний бөхийн дархан аварга, олимпийн мөнгөн медальт.

Чөлөөт бөх[засварлах]

Ж.Мөнхбат Монгол улсын чөлөөт бөхийн тамирчдаас олимп, дэлхийн АШТ-ий анхны медалийг эх орондоо авчирсан. 1967 онд Энэтхэг улсын Шинэ Дели хотноо болсон чөлөөт бөхийн ДАШТ-ээс хүрэл медаль хүртсэн бол дараа жил нь Мексикийн Мехико хотод зохиогдсон Зуны олимпийн наадмаас мөнгөн медалиар энгэрээ мялаасан юм.

Үндэсний бөх[засварлах]

Ж.Мөнхбат үндэсний их баяр наадамд 6 удаа (1963-1967, 1974) түрүүлсэн. 1963 онд улсын арслан У.Мижиддоржийг орхин түрүүлж улсын арслан цол хүртсэн. 1964, 1965 онуудад Бээжин аварга, Баянмөнх нарыг арслан заан цолтой байхад нь орхин түрүүлж улсын аварга цол хүртсэн. 1966, 1967 онуудад дархан аварга Д.Дамдин, Дархан аварга Х.Баянмөнх нарыг орхин түрүүлсэн. 1974 онд дархан аварга Х.Баянмөнхийг орхин сүүлчийн удаа түрүүлсэн. Анхны цагаан сарын барилдаанд 1963 онд түрүүлсэн. Цагаан сарын барилдаанд нийтдээ 6 удаа түрүүлж бүх бөхчүүдээс 3-т орох амжилт үзүүлжээ. Түүний өмнө Б.Бат-Эрдэнэ, Х.Баянмөнх нар л зогсдог билээ. Улсын их баяр наадамдаа нийт 23 удаа шөвгөрч мөн л 3-т орох амжилт үзүүлсэн билээ. Хамгийн сүүлд 1994 онд 53 насандаа 6 даван шөвгөрч улсын заан Р.Гансүхэд унасан билээ.

Гэр бүл[засварлах]

Эхнэр Тамир. Отгон хүү Даваажаргал нь Японы сүмо бөхийн 69 дэх ёкозүна.

Сонирхолтой баримтууд[засварлах]

Мөнхбат аварга нь Монгол бөхийн Начны найрааны сонгодог төлөөлөгч юм