Йошкар-Ола

Чөлөөт нэвтэрхий толь — Википедиагаас
Харайх: Удирдах, Хайлт
Йошкар-Ола хот
—  оронд захирагдах хот  —
орос. Йошкар-Ола
мари. Йошкар-Ола
Мари Элийн Үндэсний Театр

Сүлд туг

Сүлд тэмдэг

Йошкар-Ола
Орост Йошкар-Ола байгаа газрын зураг
Улс, орон Орос Орос (ОХУ)
Муж, орон Flag of Mari El.svg Мари (БНМарУ)
Аймаг, район Йошкар-Ола хотын тойрог
Газар нутаг 100.4 км²
Хүн ам (2014) 260,352 хүн[1]
Ард түмэн орос үндэстэн (68%)
мари ястан (24%)
татар үндэстэн (4%)
Түүхт он 1584 онд суурин үүссэн
1781 оноос хот гэгдсэн
Түүхэн нэр анх-1919 — Царевококшайск
1919-1927 — Краснококшайск
1927-одоо — Йошкар-Ола
Цагийн бүс Москвагийн цаг (ГЦ+4)
Утасны дуг. +7 8362
Шуудан-дугаар 424000—424045
Цахим газар өөрийн цахим талбар

Йошка́р-Ола́Орос улсын холбооны махбод Бүгд Найрамдах Мари Улсын нийслэл, 260 мянган хүнтэй хот.

Түүх[засварлах]

Мари нутгийг эзэлсний дараа оросууд 1584 онд суурин байгуулжээ. 1781 оноос хот гэгдэх болов. 1835 онд тус хотыг Мари нутгийн төв болгон хөгжүүлэх төлөвлөгөө хийгдэхэд 1000 гаруй хүнтэй л байлаа.[2] 1919 он хүртэл оросоор Царёвококшайск (хааны), 1919 — 1927 онд Краснококшайск (улаан) гэсэн нэртэй байв. Бага Кокшага голын эрэгт төвхнөсөн болохоор тийнхүү -кокшайск залгаж байжээ. 1927 оноос мари хэлний үгээр Йошкар-Ола (улаан хот) хэмээн нэрийдэн өнөөг хүрчээ. Засаг захиргааны эрх өөрчлөгдсөн аль ч үед Маригийн төв нь Йошкар-Ола байсаар ирсэн.

Дэлхийн хоёрдугаар дайны дараа нутгийнхаа төв хот гэдгээр эрчимтэй аж үйлдвэржиж, барилга байшин, хүн ард олширч, хот өргөжсөн. 1984 онд үүсэн байгуулагдсаны 400 жилийн ойгоор нь хүрсэн дэвшлийг үнэлж ЗХУ-ын Дээд Зөвлөлийн Тэргүүлэгчдийн зарлигаар «Хөдөлмөрийн улаан тугийн одон»-гоор шагнаж байв.[3]

1991 онд ЗХУ задарч ОХУ дангаар байгуулагдахад Йошкар-Ола нэг шат ахисан Мари орон ((БНМарУ)-ы нийслэл болж хувирсан бөгөөд 1970 оноос хүн амын өсөлт аажуурч 2014 оны байдлаар 260,352 хүн аж төрөн сууж байна.[1]

Хүн ам зүй[засварлах]

1856-2013 оны Йошкар-Олагийн хүн амын тоо
Он 1856 1926 1959 1989 2014
Хүний тоо 1,200 4,300 88,744 241,600 260,352

Йошкар-Ола хүн амын олноор харьцуулахад Орос улсад 74-р байрт орох хот юм. Оршин суугчдын 55.2 % — эмэгтэй, 44.8 % — эрэгтэй бөгөөд орос (68%), маричууд (24%) голдуу оршин сууж, бүгд 50 орчим өөр яс үндэстэн байна.

Хэдэн зураг[засварлах]

Агуулахад байгаа «Йошкар-Ола» зургийн цомог

Зүүлт[засварлах]