Кыргызстан
| Бүгд Найрамдах Хиргис Улс
хиргисээр Кыргыз Республикасы
оросоор Киргизская Республика |
||||||
|
||||||
| Төрийн дууллын нэр: хир. Кыргыз Республикасынын Мамлекеттик Гимни «Бүгд Найрамдах Хиргис Улсын төрийн дуулал» |
||||||
.svg) |
||||||
| Нийслэл + их |  Бишкек |
|||||
| Албан хэл | Хиргис хэл (улсын) Орос хэл (албан)[1][2] |
|||||
|---|---|---|---|---|---|---|
| Ард түмэн (2009 он) |
70.9% - Хиргис үндэстэн 14.3% -Узбек үндэстэн 7.8% - Орос үндэстэн 7.8% - бус ард түмэн |
|||||
| Ард түмний нэр | Хиргисийнхэн | |||||
| Төр засаг | Ардчилсан дэглэм, нэгдмэл байгууламж, парламентийн бүгд найрамдах засагтай |
|||||
| - | Ерөнхийлөгч | Алмазбек Атамбаев | ||||
| - | Ерөнхий сайд | Жанторо Сатыбалдиев | ||||
| Улсын хурал | Жогорку Кенеш → «Дээд Зөвлөл» |
|||||
| Түүх | ||||||
| - | 1924-10-14 | Хар Хиргисийн ӨЗМ үүссэн | ||||
| - | 1936-12-05 | ЗСБНХирУ байгуулагдсан | ||||
| - | 1991-12-25 | ЗХУ-аас тусгаар тогтносон | ||||
| Дэвсгэр газар | ||||||
| - | Бүхэлдээ | 199,900 км2 (86) | ||||
| - | Гадаргын ус (%) | 3.6 | ||||
| Хүн ам | ||||||
| - | Тооцоо (2009) | 5,482,000[3] (110) | ||||
| - | Тооллого (1999) | 4,896,100 | ||||
| - | Нягт сийрэг | 27.4 хүн/км2 | ||||
| ДНБ (ХАЧТ) | 2010 оны тооцоо | |||||
| - | Бүгд | $12.016 тэрбум[4] | ||||
| - | Нэг хүнд | $2,248[4] | ||||
| ДНБ (Нэрлэсэн) | 2010 оны тооцоо | |||||
| - | Бүгд | $4.615 тэрбум[4] | ||||
| - | Нэг хүнд | $863[4] | ||||
| ОТББИ (2003) | 30.3 (дундаж) | |||||
| ХХИ (2010) | ▲ 0.598[5] (дунд) (109) | |||||
| Мөнгөний нэгж | Хиргисийн сом (KGS) | |||||
| Цагийн бүс | үндсэндээ НЗНЦ+6 | |||||
| Домэйн нэр | .kg | |||||
| Утасны томьёо | +996 | |||||
Кыргызстан (хиргисээр Кыргызстан), Хиргис, Киргиз (оросоор Киргизия) гэж товчлон бичигдэх Бүгд Найрамдах Хиргис Улс (хир. Кыргыз Республикасы; орос. Киргизская Республика[6]) — Дундад Азид Казахстан, БНХАУ, Тажикистан, Узбекистан дөрвөн улстай хил залгадаг, далайд гарцгүй, Түрэг угсааны, Ислам шүтлэгт Хиргис үндэстэн зонхилох ард түмэнтэй бүрэн эрхт улс, ихэнх нутгаар нь Тэнгэр Уул, Памир гэх хоёр нуруу сунайдаг уулын орон. Нийслэл нь Бишкек хот.
Нутаг дэвсгэр - 199,900 км2, 2009 онд тооцсоноор хүн амын тоо - 5,482,000[3]. Үүний олонх 70.9% (3 сая 804 мянган) нь Хиргис, цөөнх 14.3% нь Узбек, 7.8% нь Орос гэх мэтээр бүгд 80 гаран нэрээр ялгагдах ард түмэнтэй.[7] Улсын Хиргис хэлнээс гадна Орос хэл албан ёсных гэдэг.[1] Хүн амын 80% нь Ислам шашны Сунни дэгтэй.[8]
Агуулга |
Нэр [засварлах]
Улсын нэр нь үндсэн хүн амын нэртэй холбоотой. Монголын кирилл бичигт үүнийг нэг үгний үсгийн зөрүүт гурван янзаар бичиж байна. Зөвлөлт, орос, кирилл нөлөөт Киргиз, англи, хиргис, кирилл нөлөөт Кыргыз хоёроос гадна түрэг-оросоос монголчлогдсон (20-р зуунд зохиогдсон байж магадгүй) Хиргис гэж үг байна. Монгол бичгээр Хиргис буюу ᠬᠢᠷᠭᠢᠰ гэж бичих нь хялбар, мөн ч аятайхан харагдана. Сүүлийн жилүүдэд эхний хоёр нь орчин цагийн улс, сүүлийнх нь дээр үеийн Хиргис улсыг нь илэрхийлэх хэрэглээ давамгайлж байгаа. Гарлын хувьд эдгээртэй Хыргыс, Хяргас, Хягас, Хагас, Хакас зэрэг үгс холбоотой. Монгол хэл бичгийн зохицлоор бичнэ гэвэл Хиргис улс, орос ч гэсэн түгээмэл дууддагаар нь гэвэл Киргиз улс, өөрсдийнхөөр нь гэвэл Кыргызстан гэх нь тохиромжтой.
ЗХУ-аас тусгаар тогтносныхоо дараа Хиргис улс үндсэн хуулиараа улсын товч орос янзын нэр Киргизия (утга нь «Хиргис орон/улс/газар»)-г халж, хиргис хэлний дуудлагад тааруулж Кыргызстан (утга нь өмнөхтэй адил, дээр нь -стан-ыг унш), бүтэн Киргизская Республика-ын оронд Кыргыз Республикасы гэж нэрийдэхийг хуульчилсан.[9] ОХУ-д ерөнхийлөгчийнхөө 1995 оны 1495 дугаар зарлигаар хуучин ЗХУ-ын бүрэлдэхүүн улсын нэрсийг тухайн улсад өөрчлөгдсөн ч уламжлалт орос хэлнийхээ нэрийг дотооддоо үргэлжлүүлэхээ батлав.[10] Монгол улсад энэ мэт уламжлалт монгол нэрээс нь гажуу улсын нэрийг хэрхэх албан тайлбар байхгүй.
Уул усан [засварлах]
Хиргис бол Казахстан, Узбекистан, Тажикистан, Хятад дөрвөн улсаар хүрээлэгдсэн далайд гарцгүй орон. Нутгийн дөрөвний гурав нь уулархаг. Олон уулын оргилоос Ялалтын оргил (орос. Пик Победы; хир. Жеңиш чокусу) нь д.т.д 7439 м өндөртэй шовойдог. Хиргис орны дорно, төвийн уул нуруу, ихэнх нутаг нь Тэнгэр Уул (Тянь-Шань)-ын баруун бие болж, нутгийн өрнө-өмнөд тал нь Памир-Алай нурууны ар хормой болно. Хоёрдугаар өндөр Хантэнгэр оргил (6995 м) гэж бий. Ялалт Хантэнгэр хоёул хилийн цэг. Хиргисийн байгалийн хосгүй үзэсгэлэн Иссык-Күл (орос. Иссык-Куль; хир. Ысык-Көл) нуур нутгийн дорно-умар талд Терскей Ала-Тоо (өмнө) Кунгей Ала-Тоо (умар) хоёр нуруунд хавчуулагдан Иссык-Күлийн хотгорт байрладаг.
Засаг захиргааны хуваарь [засварлах]
Хиргис улсын захирах нутаг орон дотроо муж, улсын хот, район, дүүрэг, мужийн хот, сум (айылный аймак) зэрэг зургаан зүйлд багцлагдах олон нэгжид хуваагдаж, улсын доор төвөөс гурван түвшинд шатлан захирагддаг. Том түвшинд улсын ач холбогдолтой хот (город республиканского подчинения) 2, муж (область) 7, бүгд 9 нэгж нутаг болон хуваагддаг. Дунд түвшинд мужийн доорх 40 район, Бишкек хотын 4 дүүрэг, мужийн ач холбогдолтой 6 хот нийлээд 50 нэгж. Ош хот хуваагддаггүй.
| № | Нэгж (нэр, зүйл) |
Районы тоо |
Талбай[11] (км²) |
Хүн ам (2010)[12] |
|---|---|---|---|---|
| 1 | Бишкек хот | 4 дүүрэг | 170 км² | 859,800 |
| 2 | Ош хот | - | 18,5 км² | 255,800 |
| 3 | Баткен муж | 3+ 3 хот | 17,000 км² | 441,100 |
| 4 | Жалал-Абад муж | 8 | 33,700 км² | 1,036,700 |
| 5 | Иссык-Куль муж | 5 + 2 хот | 43,100 км² | 444,500 |
| 6 | Нарын муж | 5 | 45,200 км² | 262,100 |
| 7 | Ош муж | 7 | 29,200 км² | 1,130,900 |
| 8 | Талас муж | 4 | 11,400 км² | 231,800 |
| 9 | Чүй муж | 8 +1 хот | 20,200 км² | 814,900 |
| Бүгд 9 нэгж | 50 нэгж | 199,988.5 км² | 5,477,600 |
Зургийн цомог [засварлах]
-
Хиймэл дагуулаас харагдах Хиргис орон
-
Гэрийн гадна сууцгаасан Хиргис айлын эмс хүүхэд
-
Иссык-Күл нуур
-
Хиргисийн агаарын тээврийн Аэробус А320
Эх сурвалж [засварлах]
- ↑ 1.0 1.1 Закон «О государственном языке Кыргызской Республики». Институт проблем информационного права. the original on 2011-08-22-с архивлагдсан. 2010-06-10-д хандсан.
- ↑ Александр Шустов (11 мая 2010). Кыргызстан: русский язык как заложник «революции». Materik.ru. the original on 2011-08-22-с архивлагдсан. 2010-06-10-д хандсан.
- ↑ 3.0 3.1 Department of Economic and Social Affairs Population Division (2009). "World Population Prospects, Table A.1" (PDF). Retrieved on 2009-03-12.
- ↑ 4.0 4.1 4.2 4.3 Kyrgyzstan. International Monetary Fund. 2011-04-30-д хандсан.
- ↑ Human Development Report 2009: Kyrgyzstan. The United Nations. 2009-10-18-д хандсан.
- ↑ Распоряжение Администрации Президента Российской Федерации от 17 августа 1995 г. № 1495 "О написании названий государств – бывших республик СССР и их столиц"
- ↑ Национальный состав населения Киргизии 2009
- ↑ Kyrgyzstan. State.gov. 2010-04-17-д хандсан.
- ↑ Конституция Кыргызской Республики (Кыргызстан) Загвар:Битая ссылка
- ↑ распоряжение Администрации президента Российской Федерации № 1495
- ↑ "Territories, number, density of population and territorial units by economic and administrative regions of Azerbaijan Republic", The State Statistical Committee of the Republic of Azerbaijan.
- ↑ Einwohnerzahlen vom 1. Januar 2010 (Berechnung)
| Азийн орнууд |
|---|
| Азербайжан1 · АНЭУ · Армен · Афганистан · Балба · Бангладеш · Бахрейн · Бруней · Бутан · Вьетнам · Гүрж1 · Египет2 · Дорно Тимор3 · Израйль · Индонез3 · Йордан · Ирак · Иран · Йемен · Казахстан1 · Камбож · Катар · Кипр · Кыргызстан · Кувейт · Лаос · Ливан · Малайз · Мальдив · Монгол · Мьянмар · Оман · Орос1 · Узбекистан · Пакистан · Саудын Араб · Сингапур · Сири · Хойд Солонгос · Өмнөд Солонгос · Тажикистан · Тайвань4 · Тайланд · Туркменистан · Турк1 · Филиппин · Хятад · Шри Ланка · Энэтхэг · Япон |
| 1 Нутаг дэвсгэрийн ихэнх хэсэг нь Европт оршдог. 2 Нутаг дэвсгэр ихэнх хэсэг нь Африкт оршдог. 3 Нутаг дэвсгэр нь бүхэлдээ эсвэл хэсэгчлэн нь Далайн орнуудад оршдог. 4 Бүгд Найрамдах Хятад Улс буюу Тайвань нь НҮБ-ийн гишүүн бус.  |
