Мобиком

Чөлөөт нэвтэрхий толь — Википедиагаас
Харайх: Удирдах, Хайлт
Мобиком корпораци ХХК
(Мобиком)
Анги Хязгаарлагдмал Хувьцаат Компани
Үүсгэн байгуулагдсан 1996.3.18
Төв байр Мобиком Төв байр, Улаанбаатар, Монгол Улс
Удирдах хүмүүс Дэвид Холлидэй
(Гүйцэтгэх захирал)
Вэб сайт www.mobicom.mn

Мобиком корпораци ХХК нь Монгол-Японы хамтарсан хөрөнгө оруулалттай компани юм. 1996 оны 3 сарын 18-нд байгуулагдсан. Монголд үүрэн телефон холбооны үйлчилгээг шинээр нэвтрүүлсэн анхны оператор компани Мобиком Корпораци нь орон даяар үйл ажиллагаа явуулж, өөрийн 64 салбар нэгж, 2200 гэрээт борлуулагч болон 10,000 гаруй хөдөлгөөнт борлуулагчдаараа дамжуулан, Монгол Улсын хүн амын тал хувийн харилцаа холбооны хэрэгцээ шаардлагыг бүрэн ханган ажилладаг.

Мобиком корпорацийг Монголын Ньюком компани, Японы Сүмитомо, KDDI корпорациуд хамтран байгуулсан ба Монгол талын хамтрагч болох Ньюком компани хувьцааны 40 хувийг эзэмшдэг.


Чанарын стандарт[засварлах | edit source]

Мобиком Корпораци нь 2011 онд Монгол Улсын Мэдээлэл харилцаа холбооны салбарын байгууллагууд дотроос анх удаа Чанарын удирдлагын тогтолцооны ISO 9001:2008 стандарт, 2012 онд Мэдээллийн аюулгүй байдлын удирдлагын тогтолцооны ISO 27001:2005 стандартыг хэрэгжүүлэн, өдөр тутмын үйл ажиллагаандаа нэвтрүүлээд байна. Мөн хувийн хэвшлийн шилдэг менежмент, техник технологийн шийдлийг төрийн үйлчилгээнд нэвтрүүлэх талаар Нийслэлийн Засаг даргын Тамгын газартай хамтран ажиллаж, нийгэмд тулгамдаад байгаа асуудлуудын талаар Нийслэлийн иргэдийн санал хүсэлтийг Лавлагаа мэдээллийн төвөөрөө хүлээн авч, хотын удирдлагуудын шийдвэр гаргах түвшинд саналыг хүргэж, нийгмийн даатгалын лавлах үйлчилгээний хүртээмжийг нэмэгдүүлэн иргэдэд ойртуулах тал дээр амжилттай хамтран ажиллаж байна. Дэлхийд тэргүүлэгч чанарын стандартын байгууллага болох Олон улсын стандартчиллын байгууллагаас (ISO) Мобиком Корпорацид Олон улсын чанарын менежментийн сертификатыг дахин олголоо. Мобиком Корпорацийн ISO 9001:2008 гэрчилгээ 2014 оны 6 дугаар сарын 26-ны өдрөөс эхлэн дахин 3 жилийн хугацаатайгаар сунгагдаж байна.

Үйлчилгээ[засварлах | edit source]

  • GSM, WCDMA үүрэн холбоо болон дэлхийн 176 орны 500 орчим операторын роумингийн сүлжээ
  • Интернэтийн болон Сансрын холбооны цогц үйлчилгээ
  • Гар утас худалдаа iPhone, Samsung, Nokia, Blackberry, Sony брэндийн гар утсыг албан ёсны эрхтэйгээр Монголын зах зээлд борлуулдаг.
  • Хамтын ажиллагаа бизнесийн хамтын ажиллагааны хүрээнд Alcatel, Comverse, Ericcson, NEC, NTT, Cerillion, AT&T, Comfone, MACH зэрэг дэлхийн нэр хүндтэй компаниудтай түншилж ажилладаг.
  • ISO 2011 онд Чанарын удирдлагын тогтолцооны ISO 9001:2008 стандарт, 2012 онд Мэдээллийн аюулгүй байдлын удирдлагын тогтолцооны ISO 27001:2005 стандартыг хэрэгжүүлсэн.
  • Мобиком Корпорацийн хэрэглэгчид дэлхийн 176 орны 500 орчим операторын роумингийн сүлжээнд өөрийн дугаар бүхий гар утсаа ашиглах боломжтой.
  • 200 орчим улс руу олон улсын 003 шууд гарцаар гадаад дуудлага хийх боломжтой.
  • Хэрэглэгч үйлчлүүлэгчдэдээ зориулан iPhone, Samsung, Nokia, Blackberry, Sony брэндийн гар утсыг албан ёсны эрхтэйгээр Монголын зах зээлд борлуулдаг.

Түнш байгууллагууд[засварлах | edit source]

Мобиком Корпораци нь өөрийн үндсэн сүлжээгээ дэлхийн хөдөлгөөнт холбооны системд хамгийн өргөн хүрээнд ашиглагддаг GSM системийн сүүлийн үеийн тоон технологийн тоног төхөөрөмжөөр тоноглож, бизнесийн хамтын ажиллагааны хүрээнд Alcatel, Comverse, Ericcson, NEC, NTT, Cerillion, AT&T, Comfone, MACH зэрэг дэлхийн нэр хүндтэй компаниудтай түншилж ажилладаг нь хэрэглэгчдэдээ чанартай сайн үйлчилгээ хүргэх үндсэн нөхцөлийг бүрдүүлэх баталгаа болдог.

Гадаад холбоос[засварлах | edit source]