Рашаант сум (Булган)
Рашаант нь Булган аймгийн сум юм. 1959 онд байгуулагдсан, 3 багтай. Сумын төв Улаан шивээт нь аймгийн төвөөс 190, нийслэл Улаанбаатараас 270 км зайд оршино. Сумын засаг дарга Б.Төмөрдорж.
Газарзүй [засварлах]
Салхит овоо, Рашаант (Далайн түвшнээс дээш 1971 метр) уулс тус сумын нутагт оршино. Сумын баруун хэсэгт Жаргалант, Тарнын хөндийнүүд бий. Чоно, үнэг, хярс, тарвага, туулай зэрэг амьтадтай.
Эх газрын хуурай уур амьсгалтай, нэгдүгээр сарын дундаж температур −19°С, долоодугаар сарынх +18°С байдаг. Жилийн хур тунадасны дундаж хэмжээ 250—300 мм.
Төмрийн хүдэр, шохойн чулуу, барилгын материалын нөөцтэй.
Хүн ам [засварлах]
2010 оны Монгол Улсын хүн амын тооллогоор Рашаант суманд Монгол Улсын харьяат 2,828 иргэн оршин сууж байсан.[1] Түүнээс 1-р "Хөгнө хан" багт 1285, 2-р "Хар чулуут" багт 1011, 3-р "Улаан шивээт" багт 532 гэж хуваагдан бүртгүүлжээ.[2]
Эх сурвалж [засварлах]
- ↑ Монгол Улсын 2010 оны хүн амын тооллогын дүн (сум, дүүргийн түвшнээр)
- ↑ Монгол Улсын 2010 оны хүн амын тооллогын дүн (баг, хорооны түвшнээр)
| Булган аймгийн сумд |  |
|---|---|
| Баян-Агт · Баяннуур · Бугат · Булган · Бүрэгхангай · Гурванбулаг · Дашинчилэн · Могод · Орхон · Рашаант · Сайхан · Сэлэнгэ · Тэшиг · Хангал · Хишиг-Өндөр · Хутаг-Өндөр |
|
