Санжаагийн Баяр

Чөлөөт нэвтэрхий толь, Википедиагаас
Харайх: Удирдах, Хайлт
Санжаагийн Баяр


Монгол Монгол Улсын 25 дахь Ерөнхий сайд
Албан тушаал хашсан
2007 оны 11 сарын 22 – 2009 оны 10 сарын 29
Ерөнхийлөгч Намбарын Энхбаяр
Цахиагийн Элбэгдорж
Дэд дарга Норовын Алтанхуяг
Миеэгомбын Энхболд
Өмнөх Миеэгомбын Энхболд
Дараах Сүхбаатарын Батболд

Албан тушаал хашсан
2007 оны 11 сарын 22 – 2010 оны 4 сарын 8
Өмнөх Миеэгомбын Энхболд
Дараах Сүхбаатарын Батболд

Төрсөн 1956 оны 3 сарын 4 (1956-03-04) (58 настай)
Монгол, Улаанбаатар
Улс төрийн нам Монгол Ардын Нам
Гэр бүлийн хүн Орсоогийн Гэрэлтуяа (салсан)
Хашбатын Хулан (салсан)
Хүүхэд 5 (эхний гэрлэлтээс 3, 2 дахь гэрлэлтээс 1)
Төгссөн сургууль Ломоносовын нэрэмжит Москвагийн Улсын Их Сургууль
Мэргэжил Хуульч, сэтгүүлч

Санжаагийн Баяр (1956 оны 3 сарын 4-нд төрсөн) нь Монголын улс төрч, дипломатч, Монгол улсын 25 дахь ерөнхий сайд.

Боловсрол[засварлах]

Санжаагийн Баяр нь 1956 онд Улаанбаатар хотод төрсөн. Тэрээр 1973 онд Улаанбаатар хот дахь Зөвлөлтийн 10 жилийн 3-р дунд сургууль, 1978 онд Москвагийн Улсын их сургуулийг хуульч мэргэжлээр төгссөн.

Ажилласан байдал[засварлах]

1978-1979 онд Улаанбаатар хотын АДХГЗ-нд мэргэжилтэн, 1979-1983 онд Зэвсэгт хүчний жанжин штабын IV газарт офицер, 1983-1988 онд МОНЦАМЭ агентлагийн "Новости Монголии" сонин, Гадаад мэдээний ерөнхий редакци, "Монгол пресс" агентлагт редактор, ерөнхий редактор, 1988-1990 онд МРТУХ-ны орлогч дарга, 1990-1992 онд БНМАУ-ын Бага хурлын гишүүн, Төрийн байгуулалтын байнгын хорооны дарга, 1992-1997 онд Төр, нийгэм судлалын Академид багш, АНУ-ын Вашингтоны Их сургуульд судлаач, Монгол Улсын Батлан Хамгаалах Яамны дэргэдэх Стратегийн судалгааны хүрээлэнд захирал, 1997-2001 онд Монгол Улсын Ерөнхийлөгчийн Тамгын Газрын дарга, 2001-2005 онд Монгол Улсаас ОХУ-д суух Онц бөгөөд Бүрэн Эрхт Элчин сайдаар ажиллаж байсан.

Улс төрд[засварлах]

Санжаагийн Баяр 1988 онд МАХН-д элсчээ. 2005 оны нэгдүгээр сараас МАХН-ын Ерөнхий нарийн бичгийн даргаар ажиллаж байсан. 2007 оны 10 сард болсон МАХН-ын 25-р их хурлаас түүнийг тус намын даргаар сонгожээ.

2007 оны 11 сарын 22 ны өдрийн УИХ-ын чуулганы нэгдсэн хуралдаанаар гишүүдийн 97.1%-ийн саналаар Монгол улсын ерөнхий сайдаар томилогдсон.

2008 оны сонгуулийн үр дүнд байгуулагдсан УИХ түүнийг 2008 оны 9 сарын 11-ний өдрийн хуралдаанаараа оролцсон гишүүдийн 98.5 хувийн саналаар Монгол Улсын ерөнхий сайдаар дахин томилсон. Хэдийгээр МАХН дангаараа засгийн эрх барихад хангалттай тооны суудал авсан ч С.Баяр Ардчилсан Намтай хамтарсан засгийн газар байгуулах шийдвэр гаргасан нь анхандаа сөрөг хүчний дуу хоолой байхгүй болох нь гэсэн зовнилыг нийгэмд төрүүлж байв.

Гэхдээ түүний удирдсан, хамтарсан засгийн газрын үед Монгол орны хөгжилд хэрэгтэй чухал шийдвэрүүдийг гарган хэрэгжүүлж чадсан гэж үнэлэгддэг. 6 жилийн турш хэлэлцээд, шийдвэрлэж чадаагүй байсан Оюутолгой ордын ашиглалттай холбоотой гэрээг байгуулснаас гадна Атрын гуравдугаар аяныг өрнүүлж, сүүлийн 20 жилийн хамгийн өндөр ургацыг 2009 онд хураан авчээ.

Тэрээр элэгний өвчтэй бөгөөд өвчний учир үүрэгт ажлаасаа чөлөөлөгдөх хүсэлт гарган, 2009 оны 10 сарын 28-нд Ерөнхий сайдын албан тушаалаа хүлээлгэж өгсөн ба үүрэг гүйцэтгэгчээр үлдэлгүй, тэргүүн шадар сайд Норовын Алтанхуяг ерөнхий сайдын үүрэг гүйцэтгэхээр болов. 10 сарын 29-нд түүний залгамжлагчаар Сүхбаатарын Батболд тодорчээ. Улмаар МАХН-ын даргын албан тушаалаа ч С.Батболдод шилжүүлсэн тэрээр 2012 оны Улсын Их Хурлын сонгуульд нэр дэвшээгүй.

Бусад баримтууд[засварлах]

  • Санжаагийн Баяр нь Монгол улсын түүхэнд улиран сонгогдсон анхны ерөнхий сайд болсон.
  • Түүнийг ерөнхий сайд байх үед 2008 оны 7 сарын 1-ний үйл явдал болж, Монгол улс түүхэндээ анх удаа онц байдал тогтоож, 5 хүний амь нас эрсдсэн хэрэг гарсан.
Өмнөх
Миеэгомбын Энхболд
Монгол Улсын Ерөнхий Сайд
2007-2009
Дараах
Сүхбаатарын Батболд