Т-54/55

Чөлөөт нэвтэрхий толь — Википедиагаас
Харайх: Удирдах, Хайлт
T-55.jpg

T-54, T-55 танкууд нь Зөвлөлт Холбоот Улсад үйлдвэрлэгдэж байсан байлдааны үндсэн танкны цуврал юм. Анхны T-54 загвар 1945 оны 4 сард, дэлхийн хоёрдугаар дайн дуусахаас сарын өмнө бий болжээ. T-54 нь 1947 оноос үйлдвэрлэлд нэвтэрч, Зөвлөлтийн Арми, Варшавын гэрээний орнууд болон бусад орны зэвсэглэл дэх гол танк нь болсон юм. T-54, T-55-ууд нь 20-р зууны сүүлээр гарсан олон зэвсэгт мөргөлдөөнд тодорхой үүрэг гүйцэтгэсэн билээ.

T-54/55 цуврал нь түүхэнд хамгийн их үйлдвэрлэгдсэн танк юм. Уг танкийг 86,000 - 100,000 ширхгийг үйлдвэрлэсэн гэж тооцоолдог. Энэ танк нь Цөмийн цохилтийн ба цөмийн дэлбэрэлтийн дараа үед экипаж/баг/-ийн бие бүрэлдэхүүнийг цацраг идэвхит туяанаас хамгаалах гадна хуягний дотор хар тугалган бүрхэвч суулгасан анхны загвар хийцтэй танк гэж үздэг байна.

Хожим Зөвлөлт, Оросын арми дахь T-54/55 танкууд Т-62, Т-64, Т-72, Т-80, Т-90 танкуудаар солигдсон боловч өнөөдөр ч дэлхий даяар 50 гаруй армийн зэвсэглэлд үүний дотор Монгол Улсын Зэвсэгт хүчинд 1966 оноос 650 гаруй ширхэг хүлээж авсанаар одоо хүртэл ашиглагдсаар байна.

Гадны холбоос[засварлах]

Commons
Викимедиа дуу дүрсний сан: T-55