Фүжи уул
Чөлөөт нэвтэрхий толь, Википедиагаас
Фүжи уул (Япон хэл: 富士山) нь Японы Шизүока, Яманаши аймгуудын нутагт орших идэвхтэй галт уул юм.
Далайн түвшнээс дээш 3,776 м өндөр тус уул нь Японы хамгийн өндөр цэг болно.Фүжи-Хаконэ-Изү үндэсний цэцэрлэгт хүрээлэнд багтаж хамгаалагддаг. Фүжи уул нь хаанаас нь ч харсан тэгш хэмтэй, үзэсгэлэнтэй харагддаг тул Япон төдийгүй дэлхийн бусад улсуудад Японы бэлгэ тэмдэг хэмээн алдаршсан.
Агуулга |
[Засварлах] Фүжи уулын 8 оргил
Фүжи уулын 800м орчим радиустай тогоог тойроод 8 оргил бий.
- Кэнгаминэ - 3,776 m Японы хамгийн өндөр цэг
- Хакүсандакэ - 3,756 m
- Изүгадакэ - 3,740 m
- Асахидакэ- 3,730 m
- Сэйчигадакэ - 3,730 m
- Мишимадакэ - 3,730 m
- Күсүшидакэ - 3,720 m
- Комагадакэ - 3,710 m
[Засварлах] Фүжи уулан дахь цаг уурын ажиглалтын станц
1880 оноос Фүжи уулын өндөрлөг шинж чанарыг ашиглан цаг уурын ажиглалт явуулж эхэлжээ. Улмаар 1932 онл цаг уурын ажиглалтын станц байгуулагдсан байна. Энэ нь нэг хэсэг дэлхийн хамгийн өндөр цэг дэх цаг уурын ажиглалтын станцад тооцогдож байв. 1964 оны 9 сарын 10-нд радар суурилуулагджээ. Гэвч хиймэл дагуул зэрэг шинжлэх ухаан технологийн дэвшлийн үрээр радарын ажиглалт хийх шаардлагагүй болж, 1999 оноос радар ашиглахыг больж, 2004 оноос хүн ажиллахаа больсон байна.
[Засварлах] Бусад
- 1984-2004 онд 5000-тын, 2004 оноос 1000-тын иенийн дэвсгэртийн ар талд Фүжи уулыг дүрсэлсэн байдаг.
- Фүжи уулын нэр Японы олон хот, тосгон, дүүрэг, компани, сүмочдын шиконад орсон байдаг. Мөн "Фүжи уул харагддаг" гэсэн утга бүхий Фүжими гэсэн нэртэй газар ч тун олон бий.
[Засварлах] Мөн үзэх
 |
Commons: Mount Fuji - зураг, медиа материалууд |
