Хиймэл оюун ухаан
Хиймэл оюун ухаан (англ. Artificial Intelligence, AI) гэдэг нь машины оюун ухаан бөгөөд үүнийг үүсгэхэд чиглэгдсэн компьютерийн шинжлэх ухааны нэг салбар юм. Ном ёсоор шинжлэх ухааны уг салбарыг "Оюун ухаант төлөөлөгчийн загварчлал болон судалгаа" гэж нэрлэх бөгөөд төлөөлөгч нь орчин тойрноо судлан ойлгож, зорилгоо амжилттай биелүүлэх боломжийг хамгийн өндөр болгож өгөх зохистой үйлдлүүдийг хийдэг байx гэнэ. 1956 онд уг санааг бодож олсон Жон Маккэрди үүнийгээ "оюун ухаант машин (техник) зохиох шинжлэх ухаан ба инженерчлэл" гэж тодорхойлдог байна. Хиймэл оюун ухаанд байвал зохих чадварууд:
- Өөрт дүн, шинжилгээ хийж хариултыг өөрийнхөөр илэрхийлдэг байх
- Өөрийн алдааг олж засварладаг
- Хүний сэтгэхүйгээс илүү давсныг сэтгэх
Дэлхийн хоёрдугаар дайны дараа, хэсэг бүлэг хүмүүс бие даан оюун ухаант машиныг хийхээр ажиллаж эхэлсэн. Английн математикч Алан Тур анхны судлаач юм. Тэрээр 1947 онд анхны судалгаагаа танилцуулсан бөгөөд машин бүтээхээс илүү компьютерын програмчлалаар ХОУ-г судлах нь хамгийн сайн гэдгийг анх шийджээ. 1950 оны сүүлээр ХОУ-г олон хүн судалах болсон бөгөөд ихэнх нь компьютер програмчлалын суурьтай болсон.
