Цэцэрлэг сум (Архангай)

Цэцэрлэг сум
—  сум  —
Улс орон	Монгол
Аймаг	Архангай
Сум	Цэцэрлэг
Баг (5)	1. Чулуут 2. Туулант 3. Хужирт 4. Хонгорж 5. Ихбулаг
Сумын төв	Хужирт
Газар нутаг	2,500 км²
Хүн ам (тоол.)	2010 онд 3,495 хүнА
Цугаараа	Цэцэрлэгийнхэн
А Энэ нь зөвхөн МУ-ын суурин иргэний тоо. Үүнд гадаадын харъяат иргэн, гадаадад оршин суугаа МУ-ын иргэн багтаагүй.
Монгол улсын Архангай аймаг дахь Цэцэрлэг сум, түүний төв Хужирт гацаа
Хаяа залгаа нутаг	Архангайн Хайрхан, Эрдэнэмандал, Жаргалант, Хөвсгөлийн Галт, Төмөрбулаг, Рашаант, Булганы Баян-Агт гэсэн долоон сум

Цэцэрлэг сум нь Архангай аймгийн сум юм. Сумын төв нь Улаанбаатар хотоос 520 км-ийн зайд оршдог. Зам харилцаа, зах зээл төдийлөн хөгжөөгүй. 3384 хүн амтай, 198,882 толгой малтай.

Түүх

Тус сумыг 1691-1911 онд Манжийн ноёрхлын үед Халхын умард замын баруун гарын умард хошуу гэж нэрлэж байжээ. Мөн Богд Хаант Монгол Улсын үед буюу 1911-1921 он хүртэл Сайн ноён хан аймгийн Мэргэн гүний хошуу, 1923-1931 онд Цэцэрлэг мандлын аймгийн Рашаант уулын хошуу хэмээн нэрлэгдэж байсан түүхтэй сум юм.

Эдийн засаг

Рашаан ус элбэг учраас энэ суманд зундаа 2000 гаруй амрагч ирдэг. Хонгоржийн тал, Бухын хүрээний туурь зэрэг түүхэн дурсгалт газруудаа түшиглэж аялал жуулчлал хөгжүүлэх бүрэн боломжтой. Үүрэн телефоны Скайтел болон Мобиком компаниуд үйлчилгээгээ хүргэсэн.

Хүмүүс

Хөдөлмөрийн баатрууд

• Л.Бямбадорж - адуучин
• М.Ганзориг - сансрын нисэгч
• О.Гүндэгмаа - олимпийн мөнгөн медальт, буудлагын тамирчин