Шинэ Монгол бүрэн дунд сургууль

Чөлөөт нэвтэрхий толь — Википедиагаас
— «Шинэ Монгол ахлах сургууль» гээд холбогдов —
Харайх: Удирдах, Хайлт
Шинэ Монгол бүрэн дунд сургууль
Шинэ монгол сургуулийн лого.jpeg
Ерөнхий мэдээлэл
Уриа

Шинэ Монгол

Шилдэг боловсрол
Байгуулагдсан он 2000
Захирал Ж.Галбадрах
Гүйцэтгэх захирал П.Наранбаяр
Цахим хуудас
Ү · Х · З

"Шинэ Монгол" бүрэн дунд сургууль(товчлол:ШМБДС) нь Улаанбаатар хотын Баянзүрх дүүрэгт орших сургууль юм. Анх 2000 онд Японы хөрөнгө оруулалтаар байгуулагдан, Монголын анхны 3 жилийн сургалттай ахлах сургуулиар үйл ажиллагаагаа эхлүүлсэн бөгөөд одоо бага дунд ангитай бүрэн дунд сургууль болон өргөжсөн.

Товч танилцуулга[засварлах]

Түүхэн товчоо[засварлах]

Тус сургууль нь 2000 оны 10-р сарын 5ны өдөр нээлтээ хийж,105 сурагч 7 багш 3 бүлэгтэйгээр үйл ажиллагаагаа эхлүүлж байсан юм.

Шинэ Монгол сургуулийн нээлт. (2000/10/05)

Үүнээс хойш 2004 онд "Шинэ Монгол" дунд сургууль, багш сурагчдын дотуур байр "семинар хаус" ийн барилгууд ашиглалтанд орж, "Шинэ Монгол" дунд сургууль үйл ажиллагаагаа эхлүүлсэн билээ.Дунд сургууль нь анхны жилдээ 7,8 дугаар ангийн 2 бүлэг 31 сурагчтайгаар эхлэн, Шинэ Монгол сургууль нь 7 дугаар ангиас элсэлт авдаг болов.

Ийнхүү өргөжин тэлсээр 2009 онд Шинэ Монгол сургуулийн хичээлийн байрны өргөтгөл 5 давхар "Б" корпус баригдан, ашиглалтанд орсон бөгөөд, энэхүү барилга ашиглалтанд орсоноор "Шинэ Монгол бага сургууль" үйл ажиллагаагаа албан ёсоор эхлүүлж, "Шинэ Монгол" дунд сургууль нь "Шинэ Монгол" бүрэн дунд сургууль болон өргөжив.

Мөн 2009 онд "Б" корпусын шинэ Номын санг "Кинран" хэмээн нэрлэн нээлтээ хийв.

Шинэ Монгол сургууль.

Харин "Б" корпусыг ашиглалтанд орсоны дараа жил буюу 2010 онд тус корпусын 5 давхарт байрлах Урлагийн их танхим нь нээлтээ хийснээр шинэ корпусын сургалт хүмүүжлийн үйл ажиллагаа явуулах бүх обьект ашиглалтанд оров.

Одоо[засварлах]

2013-2014 оны хичээлийн жилийн байдлаар "Шинэ Монгол" бүрэн дунд сургууль нь 1150 гаруй сурагч, 80 гаруй багш,27 ажилтан, бага, дунд, ахлах, ангитайгаар үйл ажиллагаагаа явуулж байна.

Сурах орчин[засварлах]

Тус сургууль нь хичээлийн анги кабинетээс гадна, урлагийн үйл ажиллагаа явуулах танхим, спортын үйл ажиллагаа явуулах заалуудтай.

Шинэ Монгол сургуулийн спорт заал.
  • Урлагийн их танхим- Тус сургууль нь урлагийн их,бага гэсэн 2 танхимтай ба Их танхим нь 200 гаруй хүний суудалтай иж бүрэн тохижилттой бол бага танхим нь япон маягийн ёслол,арга хэмжээ зохион байгуулахад ашигладаг.
  • Номын сан- Сургуулийн Номын сан нь Кинран хэмээн нэртэй ба,дотроо уншлагийн танхимаас гадна Компьютерийн өрөө,Багш хөгжлийн төв,Сурагчийн Өөрөө Удирдах Зөвлөлийн өрөөнүүдтэй.
  • Фитнесийн өрөө- Фитнесийн өрөө нь дотроо фитнесийн гүйлтийн зам гэх мэт бүх төрлийн фитнесийн төхөөрөмжүүдтэй бөгөөд, спортын секцүүдэд ордог сурагчид чийрэгжүүлэх, бие халаалтын бэлтгэлээ хийдэг.
  • Спорт заал- Тус сургуулийн спорт заал нь 19х30 харьцаатай нийтдээ 570м2 хэмжээтэй.
Шинэ Монгол сургуулийн урлагийн их танхим.
Шинэ Монгол сургуулийн урлагийн их танхим (тайз)

Шинэ Монгол сургуулийн билгэ тэмдэг[засварлах]

Сүлд дуу[засварлах]

1.Наран улсын итгэл тээж

Номын ариун хур буулгасан

Ирэх цагийн эрдмийн орой

Идэр насны мөнхийн дуулал

ДХ:Шинэ монгол шинэ монгол

Азийн зүрхэнд ассан гал

Шинэ монгол шинэ монгол

Алдараа өргөсөн манай сургууль

2.Буурал түүхийг алтаар ширээлж

Баян монголд алдараа өргөсөн

Залуу насны эрдмийн гараа

Замбуулинг багтаах эрдмийн өргөө

3.Бумбын сайхан орныхоо

Буянг дагаад сансарт цойлон

Алтан соёмбо тэнгэрт мандуулж

Ариун үйлсээр цацал өргөнө

Сүлд дууны клип.

Эмблем[засварлах]

Эмблем

Утга агуулга, билэгдэл нь: Галын дөл, нар, сарыг дүрсэлж Шинэ Монгол гэдэг үгийн эхний үсгийг монгол эвхмэл бичгээр бичсэн байдаг. Нар нь Япон орныг, сар нь Монгол орныг, галын дөл нь хүүхдүүдийг, тэдний мөрөөдлийг бэлгэдэж, байгаа билээ.


Япон хэв шинж[засварлах]

Шинэ Монгол сургууль нь япон хэв шинжийн сургууль билээ. Япон хэв шинж гэдэг ойлголтыг ерөнхийд нь авч үзвэл:

- Япон маягийн орчинд сургалт, хүмүүжлийн ажлыг явуулах./багш,сурагчид сургуульд орж ирээд гадуур гутлаа сольдог гэх мэт/

- Монгол ёс заншлаа суралцахаас гадна японы ёс заншил, тэдгээрийн онцлогийг сурагчдад таниулж өдөр тутамд хэвшүүлэх /мэндлэх хүндлэх ёс, ахмад хүнийг хүндлэх ёс гэх мэт/

- Японы ахлах сургуулийн хэв шинж бүхий дүрэмт хувцас зэрэг зүйлээс бүрдэх юм.

Эдгээрээс гадна тус сургуульд Япон хэв шинжийг бүрдүүлж буй нэг том онцлог хүчин зүйл бол Японы ахлах сургуулийн сургалтын хөтөлбөрийг сургалтын системдээ тусгаж ашиглаж буй явдал юм.


Секц,дугуйлан[засварлах]

Мөн "Шинэ Монгол" сургууль нь авьяас чадварыг хөгжүүлж, бие бялдарын өв тэгш хүмүүжил олгох зорилгоор хичээлээс гадуурх 35 төрлийн секц, дугуйлан, клубуудыг хичээллүүлдэг юм.Жил бүрийн 5-р сарын 1-ний өдөр тухайн жилийн дугуйлан,секцүүдийн тайлан хамгаалалт болдог.

Шинэ Монгол сургуулийн дугуйлан,секцүүдийн танилцуулга.
Секцүүд[засварлах]
  1. Волейбол
  2. Сагсан бөмбөг
  3. Хөл бөмбөг
  4. Ширээний теннис
  5. Шатар
  6. 100 буудалт даам
  7. Бадминтон
  8. Кэндо
  9. Кэндама
  10. Хөнгөн атлетик
  11. Айкидо
  12. Каратэ
  13. Жүдо
  14. Монгол бөх
Шинэ Монгол сургуулийн дугуйлангуудын тайлан.
Шинэ Монгол сургуулийн төгсөгчдийн алдрын булан.
Дугуйлангууд[засварлах]
  1. Ардын бүжиг
  2. Цэнгээнт бүжиг
  3. Морин хуур
  4. Ятга
  5. Лимбэ
  6. Шанз
  7. Хуучир
  8. Ёочин
  9. Цөөхүүл хөгжим
  10. Дуу
  11. Драм
  12. Зураг
  13. Гар урлал /эм/
  14. Гар урлал /эр/
  15. Баримал
  16. Илтгэх урлаг
Сургуулийн байгууллага[засварлах]
  1. Медиа клуб
  2. Эко клуб
  3. "Шинэ Монгол" дугуйлан
  4. Дохионы хэл
  5. Сурагчийн Өөрөө Удирдах Зөвлөл /СӨУЗ/

Төгсөгчид[засварлах]

Тус сургуулийн төгсөгчид жил бүр тэтгэлгээр олон тооны төгсөгчид гадаадын их дээд сургуулиудад сурдаг бөгөөд, тэдгээрээс дийлэнхи нь Япон улсад сурч байна. Тэтгэлгүүдийг төрлөөр ангилвал:

  1. Япон улсын засгийн газрын тэтгэлэг
  2. Хамтын ажиллагаатай гадаадын их дээд сургуулиуд
  3. Ивээн тэтгэгч байгууллагууд, холбооны тэтгэлэг.
Шинэ Монгол сургуулийн японд сурч буй төгсөгчдийн байршил.
Японы их дээд сургуулиудад элсэн суралцаж буй төгсөгчдийн тоо
Төрлөөр 2004 2005 2006 2007 2008 2009 2010 2011 2012 2013
1 Засгийн газрын зардлаар 2 3 2 8 13 14 21 11 14 16
2 Хувийн зардлаар 6 10 9 16 18 17 13 21 19 12
3 Нийт 8 13 11 24 31 31 34 32 33 28

Эко сургууль[засварлах]

Тус сургууль нь 2008 оны 5 сард Нэгдсэн Үндэстний байгууллагын итгэмжлэгдсэн эко сургууль болох зорилт тавьсан юм.Энэхүү зорилттой холболгдуулан Японы ахлах сургуулиудын клубуудтэй адил үйл ажиллагаа явуулах эко клубыг байгуулах гэх мэт олон ажлуудыг хийж буйгаас дурьдвал:

Обирин сургуультай хамтран хийсэн салхин сэнс.
  • Шинэ Монгол сургууль нь японы "Хигашинэ" ахлах сургуультай байгуулсан гэрээний хүрээнд тус сургуулийн багш сурагчидтай хамтран нарны зайн хураагуур 7 ширхэг ялтасыг бүтээн ажиллууж байгаа юм.Энэхүү хавтангууд нь сард 660W,жилд 4320W эрчим хүчийг гарган авах чадалтай бөгөөд энэхүү эрчим хүчээр сургуулийн урд байрлах 6 гэрлийг бүхэлд нь гэрэлтүүлж байгаа юм.
  • Мөн тус сургууль нь Японы Обирин их сургуулийн эко клубтэй хамтран салхин эрчим хүч гарган авах 400W ийн чадалтай сэнсийг бүтээсэн ба энэхүү эрчим хүчээр сургуулийн хойд хэсгийг гэрэлтүүлдэг.
  • Байгаль орчноо хамгаалахыг уриалсан бас нэгэн ажил бол тус сургуулийн захиргаанаас 7 хоног бүрийн мягмар гарагт амин дэмээр баялаг цагаан хоолны өдөр болгон зохион байгуулсан бөгөөд, энэ нь байгаль орчноо хамгаалахыг уриалах, мөн биологийн төрөл зүйлийг устахаас хамгаалахыг уриалж буй хэрэг юм.

5С,3R хөтөлбөр[засварлах]

2012 оноос эхлэн Шинэ Монгол сургууль нь 5С,3R хөтөлбөрийг хэрэгжүүлж эхэлсэн ба сар бүрийн сүүлийн баасан гарагийг 5с,3R ийн өдөр болгосон юм. 5с,3R ийн товчлолыг тайлбарлавал:

5c,3R-ийн самбар
  1. 1С. Сайн цэмбийлгэе-Ажиллах,сурах орчноо цэгцлээд хэрэггүй зүйлсээ зоригтой хаяна.
  2. 2С. Сайн цэгцлье- Бүх зүйл байрандаа байна.
  3. 3С. Сайн цэвэрлэе- Тогтмол цэвэрлэгээ хийнэ.
  4. 4С. Сайн хэвшүүлье- Цэвэр цэмцгэр байдлыг хэвшүүлнэ.
  5. 5С. Сахилга баттай байя- Хэнээр ч хэлүүлэлтгүй 5с-г хэрэгжүүлнэ.
  1. 1R. Reduce-Хогоо багасгая
  2. 2R. Reuse- Хэрэгэйг нь дахин ашиглая
  3. 3R. Recycle- Хэрэггүйг нь дахин ашиглая.