Өгийнуур сум

Өгийнуур сум нь Архангай аймгийн сум юм. 1618 км² газар нутагтай далайн түвшнээс дээш 1327-1665 метр өндөрт өргөгдсөн хуурай дулаан уур амьгалтай, тал хээрийн бүсэд багтдаг. Сумын төв нь аймгийн төв Цэцэрлэгээс 100 км, Улаанбаатар хотоос 360 км зайд оршино. Тамирын гол ба Орхон голын уулзварын орчимд байрлах тус сум нь Өгий нуурын нэрээр нэрлэгджээ. Тус сум нь Зэгстэй, Дойт, Өгий, Орхон, Тоглох гэсэн 5 багтай.

Байгаль орчин

БОАЖЯ, Японы Олон улсын хамтын ажиллагааны ЖАЙКА байгууллага хамтран хэрэгжүүлж буй ус намгархаг газрын экосистем хамгаалах, зохистой ашиглах голын сав газрын менежментийн загвар төслийн хүрээнд Өгий нуурын Мэдээлэл, сургалтын төв байгуулагдан ажиллаж байна.