Аалтогийн Их Сургууль

Аалто Их Сургуулийн лого

Аалтогийн Их Сургууль (англи. Aalto University) нь Эспоо (англи. Espoo), Финландын нийслэлийн (Хельсинк) ойролцоо байрлах төрийн өмчийн судалгааны их сургууль юм. Энэ нь 2010 онд Хельсинкийн Технологийн Их Сургууль (англи. Helsinki University of Technology), Хельсинкийн Эдийн Засгийн Сургуулиуд (англи. Helsinki School of Economics) болон Хельсинкийн Урлаг ба Дизайны Их Сургууль (англи. University of Art and Design Helsinki) гэсэн гурван том Финландын их сургуулиудын нэгдэхийн үр дүнд байгуулагдсан. Шинжлэх ухаан, бизнес, урлагийн салбаруудын хамтын ажиллагаа нь олон салбарын боловсрол ба судалгааг дэмжих зорилготой юм.

Финландын Засгийн газар 2010 онд инновацийг дэмжих их сургуулийг байгуулах зорилгоор гурван байгууллагыг нэгтгэж, энэ их сургуулийг байгуулахаар шийдсэн. Аалтогийн Их Сургууль нь 6 факультеттэй, ойролцоогоор 17,500 оюутан болон 4,000 ажилтантай бөгөөд энэ нь Финландын хоёр дахь том их сургууль юм. Сургуулийн гол кампус нь Отаниеми (англи. Otaniemi), Эспоо хотод байрладаг. Аалтогийн Их Сургууль нь Төөлө (англи. Töölö), Хельсинки хотод Аалтогийн Гүйцэтгэх Боловсрол сургалтыг явуулдаг. Түүнчлэн их сургууль нь Их Хельсинкийн бүсийн гадна Миккели (англи. Mikkeli) хотод Олон Улсын Бизнесийн бакалаврын хөтөлбөр болон Метсахови Радио Обсерватори-д Киркконүмми (англи. Kirkkonummi) хотод үйл ажиллагаа явуулдаг.

Их сургууль нь Финландын алдартай архитектор, дизайнер, өмнө нь Хельсинкийн Технологийн Их Сургуульд суралцаж байсан Алвар Аалто-гийн нэрийг хадгалан нэрлэгдсэн бөгөөд тэрбээр Отаниемийн гол кампусын дизайныг ихээхэн хэмжээгээр хийсэн юм.