Австралийн Дээд шүүх

Австралийн Дээд шүүх (англи. High Court of Australia) - Австралийн эцсийн давж заалдах шатны шүүх бөгөөд Австралийн шүүхийн шатлалын дээд шатны шүүх юм. Тус шүүх нь өөрийн шийдвэр гаргах эрх мэдэлтэй бөгөөд давж заалдах шатны шүүхийн үүрэг гүйцэтгэдэг. Энэ нь Австралийн Парламент болон муж улсын парламентуудаас баталсан хуулийн хууль эрх зүйн хүчин төгөлдөр байдлыг хянах, шаардлагатай тохиолдолд тус улсын үндсэн хуулийг тайлбарлахад гарсан зөрчилтэй холбоотой маргаан, асуудлыг шийдвэрлэх эрх мэдэлтэй.

Уг Дээд шүүх нь Австралийн Үндсэн хуулийн 71 дүгээр зүйлийн дагуу үйл ажиллагаа явуулдаг бөгөөд энэ нь энэхүү хууль эрх зүйн байгууллагад Холбооны асуудалтай холбоотой хамгийн чухал хууль эрх зүйн шийдвэр гаргах эрх мэдлийг олгодог. Дээд шүүхийн чиг үүрэг, бүтцийг 1903 оны Хуулийн тухай хуулиар тодорхойлсон байдаг.

Бүтэц

Дээд Шүүх нь одоогоор ерөнхий шүүгч Стивен Гагелерийг (англи. Stephen Gageler) оролцуулан нийт 7 шүүгчээс бүрддэг. Дээд шүүхийн шүүгчдийг Ерөнхий сайд болон Засгийн газрын зөвшөөрлийн дагуу Ерөнхий прокурорын албан ёсны зөвлөмжөөр Ерөнхий захирагч томилдог. Тэднийг 70 насандаа заавал тэтгэвэрт гарах хүртэл нь, хэрэв тэд эрт тэтгэвэрт гарахгүй бол насан туршаар томилдог байна.

Дээд шүүх нь Канберра хотод 1980 онд Парламентын гурвалжин гэдэг газар Бурли Гриффин нуур руу харсан тусгай зориулалтын Дээд шүүхийн барилга барьсан цагаас хойш байрлаж байгаа юм.