Алис Кочмэн

Чөлөөт нэвтэрхий толь — Википедиагаас
Харайх: Удирдах, Хайлт
Алис Кочмэн
Хөнгөн атлетик
Төлөөлдөг улс: Америкийн Нэгдсэн УлсАмерикийн Нэгдсэн Улс Америк
Хувийн мэдээлэл
Бүтэн нэр Алис Мэри Кочмэн
Төрсөн огноо 1923 оны 11 сарын 9
Төрсөн газар Олбани, Жоржиа
 
Медалиуд
Зуны олимп
Алт Лондон 1948 Өндрийн харайлт

Алис Мэри Кочмэн (англ. Alice Marie Coachman, 1923 оны 11 сарын 9-нд Жоржиа муж улсын Олбанид төрсөн) нь Америкийн Нэгдсэн Улсын хөнгөн атлетикч юм. Өндрийн харайлтын төрлөөр өрсөлддөг байсан тэрээр Олимпийн алтан медаль хүртсэн, анхны хар арьст эмэгтэй тамирчин болно[1].

Кочмэн АНУ-ын Сонирхогчдын Хөнгөн Атлетикийн Холбооны АШТ-д 1939 - 1948 онуудад тасархай түрүүлж байсан боловч Дэлхийн хоёрдугаар дайны улмаас 1940, 1944 оны зуны олимпийн наадам цуцлагдсан тул олимпийн наадамд оролцох боломж 1948 онд л тохиожээ.

1948 оны Лондоны олимпийн өндрийн харайлтын шигшээд Кочмэн 1.68 м өндрийг эхний оролдлогоороо давсан. Түүний хамгийн ойрын өрсөлдөгч, Их Британийн Дороти Тайлер Кочмэнтэй ижил өндрийг хоёр дахь оролдлогоороо л давж чадсан байна. Ийнхүү олимпийн аварга болсон Кочмэн нь тус олимпоос АНУ-ын багийн эмэгтэй тамирчдын авсан цорын ганц алтан медалийн эзэн болжээ.

Эшлэл[засварлах | edit source]

  1. American track and field athlete. 2010 оны 3 сарын 20-д хандсан.