Амирлал Төв

Амирлал Төв

Амирлал Төв, утас: 88817167

Бясалгал нь өнөөдрийн Монголын нийгэмд хурдтай тархаж анагаах эмнэхүйн болон оюун ухааны дасгалжуулалтын хэрэглээг хангах хүрээнд нийгмийн бүх салбарт иргэдийн сонирхолыг татаж байна.

Амирлал төв нь нийгэмд үүсээд буй стрессийг бууруулж хувь хүний хөгжлийн дотоод чухал суурь нь болох бие хүнээ танин мэдэх, сэтгэл зүйтэйгээ ажиллаж сурах, оюун санаа болон бие махбодио хэрхэн зөв жолоодож сурахад нь туслах зорилготой 2019 оны 12-р сард байгуулагдсан. Хүний дотоод хөгжил, танин мэдэхүйн гүрү иогийн бясалгалын сургалтуудыг онлайн болон оффлайн хэлбэрээр зохион байгуулсаар ирсэн. 2022-2024 онд бясалгалын төвийн хөтөч багш нь Вьетнам, Тайланд, Непал, Энэтхэг, Филлипин гээд Азийн орнуудын бясалгалын төвүүд, сүм хийд, энергийн хэлбэлзэл өндөртэй газрууд болон Химлайд урт хугацаанд бясалгалд сууж, судалгаа хийсэн. Түүнчлэн 2022 оноос Монгол орноороо, 2024 оноос Энэтхэг, Непал орноор групп бясалгалт аялалыг хийж ирсэн.

ВЕГАН, ВЕЖЕТЕРИАН АМРАЛТЫН ГАЗАР

2024 онд тус бясалгалын төв нь Монгол Улсын нийслэл Улаанбаатар хотоос зүүн урд зүгт 54 км орчим зайд орших Чингис хааны морьт хөшөөний дэргэд веган (ургамалан хоол), вежетериан (цагаан хоол) амралт, иог бясалгалын сургалт хичээлүүд явагдах боломжтой стресс алжаал тайлах амрах төв болон өргөжсөн. Бясалгал, иог, цагаан хоолны сургалт, арга хэжээнээс гадна, цагаан хоолтон төдийгүй махан хоолтой гадаад дотоодын жуулчид, амрагч нарыг хүлээн авч үйлчилж байна.

• Цэвэр агаарт архи, тамхигүй орчин (1 гэр нь 5 ортой)
• Цагаан хоолны туршлагатай тогоочийн бэлтгэсэн өглөөний цай, өдрийн хоол, оройн зууш (өөрсдийн тарьсан шинэхэн ногоотой)
• Стресс, алжаал тайлах эрүүл мэндийн иогатай
• Тохилог ариун цэврийн өрөө душтэй

Иог-бясалгалд суралцсанаар бие, сэтгэл, оюун санааны тэнцвэрээ олж эрүүл, урт удаан, аз жаргалтай амьдрах нөхцөл болно. Утас: 88817167

Сэтгэл зүйн болон мэдрэлийн эрүүл мэндэд тантрын бясалгалын үзүүлэх шинжлэх ухааны нөлөө

Эртний Энэтхэгийн оюун санааны уламжлалаас үүсэлтэй тантрын бясалгал нь сэтгэл зүйн эрүүл мэнд ба мэдрэлийн эрүүл мэндэд эерэг нөлөөллүүд үзүүлж байгаа нь эрдэмтэдийн сонирхолыг ихээр татаж байна. Зарим бясалгалын аргууд нь тайвшралыг бий болгодог бол тантрын бясалгал нь саруул сэргэг байх хугацааг нэмэгдүүлж, оюуны идэвхжилтийг өдөөж, мэдрэл сэтгэл зүй онцгой тэнцвэржилт нөлөөллийг илүү бий болгодог байна.

Тархи мэдрэл судлалын төвүүд болон их сургуулиудийн судалгаагаар тантрын бясалгал нь "фазын сэрэмж" болон сэтгэхүйн гүйцэтгэлийг, ялангуяа харааны-орон зайн мэдрэхүйн ажиллагааг сайжируулдаг болохыг харуулсан. Жишээ нь, цахилгаан энцефалограф болон соронзон резонансын дүрслэл (MRI) шинжилгээгээр бясалгагчдын анхааралтай холбоотой тархины бор гадаргуугийн хэсгүүдэд тархины үйл ажиллагаа ихэссэн байсан.[1] Энэхүү гамма давтамжийн хүрээнд мэдрэлийн синхрончлолын өсөлт нь ажлын санах ой, ухамсартай ойлголт, мэдээлэл боловсруулалтыг сайжруулдагтай холбоотой.[2]

Тайвшруулах бясалгалаас ялгаатай нь тантрын бясалгал нь симпатик мэдрэлийн системийн идэвхийг өдөөж, ашигтай бодисын солилцооны өөрчлөлт, сэргэг байдал нэмэгдэх, стресс тайлах чадварыг сайжруулдаг.[3] Удаан хугацаагаар бясалгасан туршлагатай бясалгаачид нь тантрын бясалгалаар биеийн халуунаа хүртэл хянаж болдог. Энэхүү өндөр идэвхжил нь оюуны тодорхой байдал болон сэтгэл хөдлөлийн зохицуулалтыг дэмжиж, сэтгэл түгшил, цочромтгой байдал, ядаргааг бууруулдаг ч тайван байдлыг алдагдуулдаггүй (Гомез, 2025).

Сэтгэл зүйн хувьд, тантрын бясалгал нь сэтгэл хөдлөл болон мэдрэхүйн нэгтгэлтэй холбоотой тархины хэсгүүдэд нейропластик өөрчлөлттэй холбоотой өөрийгөө илүү сайн танин мэдэх болон "сэрэх" дадлуудыг дэмждэг (PMC, 2024). Харвард болон бусад их сургуулиудын судалгаагаар амирлахуйн бясалгал нь тархины хэсгүүдийн (тархины урд талын бор гадарга, төв хэсэг, дунд хажуу талын бор гадарга) үйл ажиллагааны холбоо хамаарлыг бэхжүүлж сайжруулдаг болохыг харуулж байна. Энэхүү тархины үйл ажиллагааны сайжрал нь анхаарал, сэтгэл хөдлөлөө хянах, өөрийгөө ухамсарлах чадварыг нэмэгдүүлж, ухаан самуурлыг бууруулдаг байна.[4]

Эцэст нь дүгнэхэд, олон улсын их сургуулиудад явуулсан судалгаанууд тантрын бясалгал нь оюуны сэргэг байлал болон сэтгэл хөдлөлийн тайван байдлыг онцгой хослуулж, танин мэдэхүйн үйл ажиллагаа болон сэтгэл зүйн эрүүл мэндийн тэнцвэрийг дэмждэг бөгөөд үүгээрээ бусад төрлийн бясалгалаас ялгагддаг нь харагдаж байна.