Антон Вайно

Антон Вайно (Орос: Анто́н Эдуа́рдович Ва́йно, Эстони: Anton Vaino; 1972 оны 2-р сарын 17-нд ЗХУ-ын Зөвлөлт Эстонийн Таллин хотод төрсөн) — Эстони гаралтай Оросын төрийн зүтгэлтэн. 2016 оны 8-р сарын 12-ноос хойш ОХУ-ын Ерөнхийлөгчийн Тамгын газрын дарга. 2020 оны 12-р сарын 21-нээс хойш ОХУ-ын Төрийн Зөвлөлийн гишүүн. 2016 оны 8-р сарын 12-ноос хойш ОХУ-ын Аюулгүй байдлын Зөвлөлийн байнгын гишүүн.

Намтар

1996-2001 онд тэрээр Японд (Токио) суугаа Оросын Элчин сайдын яаманд ажиллаж байв.

2001-2003 онд Оросын Гадаад хэргийн яамны Азийн хоёрдугаар газарт ажилтнаар ажиллаж байжээ.

2003-2004 онд Оросын Холбооны Улсын Ерөнхийлөгчийн Ёслолын албанд ажилласан. Тэрээр зөвлөх, хэлтсийн орлогч даргын албан тушаалыг хашиж байгаад 2004-2007 онд Оросын Холбооны Улсын Ерөнхийлөгчийн Ёслол, зохион байгуулалтын газрын орлогч даргаар ажилласан.

2007 оны 10-р сарын 8-наас 2008 оны 4-р сарын 25 хүртэл тэрээр Виктор Зубковын удирдлага дор Оросын Засгийн газрын Тамгын газрын орлогч даргаар ажилласан.

2008 оны 4-р сарын 25-нд тэрээр Оросын Ерөнхий сайдын Ёслолын хэлтсийн дарга, Оросын Засгийн газрын Тамгын газрын орлогч даргаар томилогджээ.

2011 оны 12-р сарын 27-ноос 2012 оны 5-р сарын 21 хүртэл Оросын сайд, Оросын Засгийн газрын Тамгын газрын даргаар ажиллаж байсан. 2012 оны 5-р сарын 22-ноос хойш тэрээр Оросын Ерөнхийлөгчийн Тамгын газрын орлогч дарга, 2016 оны 8-р сарын 12-ноос хойш тэрээр Оросын Ерөнхийлөгчийн Тамгын газрын даргаар ажиллаж байна.