Бензол

Бензо́л (C₆H₆, PhH; заримдаа: бензе́н, фенилын ус төрөгч) (циклогекс-1,3,5-триен, -аннулен) —Бензол нь органик химийн нэгдэл бөгөөд өвөрмөц анхилуун үнэртэй өнгөгүй шингэн юм. Хамгийн энгийн үнэрт нүүртөрөгч юм. Энэ нь үйлдвэрт өргөн хэрэглэгддэг бөгөөд эм, төрөл бүрийн хуванцар, синтетик резин, будагч бодис, синтетик эм, сэтгэцэд нөлөөт эм үйлдвэрлэх түүхий эд юм.

Нүүрсний давирхайг нэрсэний үр дүнд үүссэн анхны бензол агуулсан хольцыг Германы химич Иоганн Глаубер 1651 онд хэвлэгдсэн "Furni novi philosophici" номондоо тайлбарласан байдаг. Бензолыг бие даасан бодис гэж Майкл Фарадей тайлбарлаж, 1825 онд энэ бодисыг коденсацын конденсатаас ялгаж авч чаджээ. Удалгүй 1833 онд Германы физик химич Эйлхард Митшерлих (герман. Eilhard Mitscherlich) бензойн хүчлийн кальцийн давсыг хуурай нэрэх замаар бензол гаргаж авсан. Энэ нээлтийн дараа уг бодисыг бензол гэж нэрлэж эхэлсэн байна.

Өвөрмөц хурц үнэртэй өнгөгүй шингэн. Хайлах цэг = 5.5 ° C, буцлах цэг = 80.1 ° C, нягт = 0.879 г / см³, молийн масс = 78.11 г / моль. Ханаагүй нүүрсустөрөгчийн нэгэн адил бензол нь маш их утаатай дөлөөр шатдаг.