Браунлийт

Браунлейит

Браунлейит нь MnSi химийн томьёотой силицид эрдэс юм. Үүнийг Хьюстон хот дахь Жонсон сансрын төвийн судлаачид 26P/Григг–Скьеллеруп сүүлт одны Pi Puppid солирын бөөмсийг шинжилж байх явцдаа нээсэн.Байгаль дээр мэдэгдэж буй манганы өөр нэгэн силицид нь мавляновит Mn5Si3 юм. Эдгээр бөөмсийг 2003 оны 4-р сард АНУ-ын баруун өмнөд нутгийн дээгүүрх стратосферээс NASA-гийн ER-2 өндөрт нисдэг судалгааны онгоцоор цуглуулсан.АНУ, Герман, Японы судлаачдаас бүрдсэн багийг NASA-гийн эрдэмтэн Кэйко Накамура-Мессенжер ахалж байв. Эрдсийн гарал үүслийг тогтоох болон бусад тоосонцрын материалыг судлах зорилгоор 2005 онд Жонсон сансрын төвд шинэ дамжуулалтын электрон микроскоп суурилуулсан.Эрдсийн нэрийг Олон улсын эрдэс судлалын холбоо (IMA, № 2008-011) баталсан. NASA-гийн эрдэмтэд энэхүү эрдсийг гариг хоорондын тоосонцрын судалгаанд анхдагч судалгаа хийсэн, Сиэтл дэх Вашингтоны их сургуулийн одон орон судлалын профессор Доналд Э. Браунлигийн нэрээр нэрлэсэн байна.