Буревестник (далавчит пуужин)
«Буревестник» (Оросын индексжүүлсэн нэршил — 9М730, НАТО-гийн кодолсон нэршил— SSC-X-9 Skyfall) — Оросын цөмийн цахилгаан үүсгүүртэй, дэлхийн алсын тусгалтай тив хоорондын далавчит пуужин юм.
Оросын Ерөнхийлөгч Владимир Путин анх 2018 оны 3-р сарын 1-нд Оросын Холбооны Хуралд хандан үг хэлэхдээ энэхүү пуужингийн тухай албан ёсоор нийтэд зарлаж пуужингийн системийг туршиж буй дүрс бичлэгийг үзүүлсэн. 2018 оны 3-р сарын 22-нд Оросын Батлан хамгаалах яамны вэбсайт дээр нээлттэй санал хураалтын үр дүнгээр далавчит пуужинг "Буревестник" гэж нэрлэжээ.
Хэмжээ: хөөрөх үеийн урт - 12 м, нислэгийн үед - 9 м, урд талын проекц дахь бие нь 1 × 1.5 м эллипс хэлбэртэй.
2019 оны 9-р сард Оросын Шинэ Газар, Капустин Яр, магадгүй Нёнокса гэсэн хоёр, гурван туршилтын талбайд пуужингийн туршилт зэрэг явагдсан гэж үздэг.
2025 оны туршилтын үеэр энэхүү далавчит пуужингийн нислэгийн хугацаа 15 цаг байсан бөгөөд энэ хугацаанд "Буревестник" 14,000 км замыг туулсан гэж мэдээлжээ.
"Буревестник" пуужинг боловсруулах ажлыг 2001 оны 12-р сард эхлүүлэх шийдвэрийг гаргасан гэдэг.