Вайгач арал

Чөлөөт нэвтэрхий толь, Википедиагаас
Харайх: Удирдах, Хайлт
Вайгач арал ба Шинэ Газар

Вайгач арал (орос. Вайга́ч) нь Умард мөсөн далайд, Печорын тэнгис, Карын тэнгис хоёрын хооронд орших, Шинэ Газар ольтригийн нэгэн арал юм.

Евразийн эх газрын Югорскийн хойгоос Югорскийн хоолойгоор, Шинэ Газраас Карын хоолойгоор тусгаарлагдана. Засаг захиргааны хувьд Оросын Холбооны Улсын Архангельск мужийн Ненецийн автономит тойрогт хамаардаг.

  • Талбай: 3383 км2
  • Урт: ойролцоогоор 100 км
  • Өргөн: 45 хүртэл км
  • Дундаж температур: −20°С (2 сар), +5°С (6 сар)
  • Хамгийн өндөр цэг: Далайн түвшнээс дээш 170 м

Аргиллит, элсэн чулуу, шохойн чулуу элбэгтэй. Арал дээр 20-40 км урттай олон гол, намаг балчиг, мөн жижиг нуурууд байдаг. Ихэнх хэсэг нь тундрын бүст хамаарна. Арал дээр Вайгач, Долгая Губа, Варнек хэмээх 3 тосгон бий.

Байгалийн нөөц[засварлах]

2007 онд Дэлхийн байгаль хамгаалах сан (WWF) болон ОХУ-ын засгийн газраас Вайгач арлыг байгалийн нөөц газраар бүртгэн авчээ[1]. Арлын эргэн тойрны тэнгисүүд нь далайн морь, далайн хав, мөн ховордсон халимуудын нутаг билээ.

Ном зүй[засварлах]

  • F. G. Jackson. Great Frozen Land. London, 1895.
  • H. J. Pearson. Beyond Petsora Eastward. London, 1899.

Эшлэл[засварлах]

  1. "New Nature Reserve For The Russian Arctic", ScienceDaily, World Wildlife Fund, 2007-07-06. 2009 оны 6 сарын 19-нд авсан. 

Гадаад холбоос[засварлах]