Виадук де Мийо
Millau Viaduct Viaduc de Millau (Франц) | |
|---|---|
 2005 онд Виадук де Мийогийн үзэмж | |
| Солбицол | 44°04′46″N 03°01′20″E / 44.07944°N 3.02222°EСолбицол: 44°04′46″N 03°01′20″E / 44.07944°N 3.02222°E |
| Тээвэрлэдэг | А75 4 эгнээ |
| Гатладаг | Тарн голын хөндий |
| Байршил | Мийо-Крессель, Аверон, Франц |
| Албан ёсны нэр | Viaduc de Millau |
| Засвар үйлчилгээ | Compagnie Eiffage du Viaduc de Millau[1] |
| Үзүүлэлт | |
| Хийц | Олон ташаатай налуу татлагат виадук авто замын гүүр[1] |
| Материал | Бетон, ган |
| Нийт урт | 2,460 м (8,070 фут)[1] |
| Өргөн | 32.05 м (105.2 фут)[1] |
| Өндөр | 343 м (1,125 фут) (max pylon above ground)[1][2] |
| Тулгуур хоорондын зай | 342 м (1,122 фут)[1] |
| Ташааны тоо | 204 м (669 фут), 6×342 м (1,122 фут), 204 м (669 фут)[3] |
| Доогуур нэвтрэх өндөр | 270 м (890 фут)[1][4] |
| Ашиглалтын хугацаа | 120 жил |
| Түүх | |
| Дизайнер | Норман Фостер, архитектор[1] Мишель Вирложе, бүтцийн инженер[1] |
| Барьсан | Compagnie Eiffage du Viaduc de Millau[1][2][4][5] |
| Барьж эхэлсэн | 2001 оны 10 сарын 16[1] |
| Өртөг | €394 сая[2] |
| Нээгдсэн | 2004 оны 12 сарын 14, 9:00[1] |
| Албан ёсны нээлт | 2004 оны 12 сарын 14[1] |
| Статистик | |
| Хураамж | €8.30 |
| Байршил | |
 Интерактив газрын зураг | |
Виадук де Мийо буюу Мийогийн гүүр (Франц: Viaduc de Millau) нь Өмнөд Францын Тарн голын хөндийд байх гүүр юм. Тус гүүрийн зургийг Мишел Вирложо гаргасан ба Норман Фостер хийцийг нь боловсруулжээ. 2004 оны арванхоёрдугаар сарын 14-нд тухайн үеийн францын ерөнхийлөгч Жак Ширак нээлтийн ёслолыг хийсэн ба үүнээс хоёр өдрийн дараа ашиглалтад авчээ. 2460 метрийн урттай энэ гүүр нь дэлхийн хамгийн урт налуу татлагат гүүр бөгөөд тулгуурын өндөр нь 343 метрээрээ Францын хамгийн өндөр байгууламж юм.
2006 онд гүүр ба түүнийг хийж гүйцэтгэсэн архитекторууд болон инженерүүд нь ОУГХИБН-ээс Шилдэг Хийцийн Шагналаар (Англи: Outstanding Structure Award) шагнуулжээ.
Зураг төсөл
[засварлах | кодоор засварлах]Замын байрлал, газрын сонголт, зохион бүтээх зураг төсөл, тэдгээрийн төлөвлөлтөд бараг 20 гаран жилийг зарцуулсан байна. Эцсийн зураг төслийг франц гаралтай барилгын инженер Мишел Вирложо зохиосон бөгөөд түүний зургаар их британийн архитектор Норман Фостер гүүрийн хийцийн архитекурын ажлыг хийж гүйцэтгэв. 1996 оны зун шүүгчдийн баг авто замаас дээшээ долоон налуу татлагат пилон бүхий нийт таван хийцийн зургаас сонголт хийжээ.
Техникийн үзүүлэлт
[засварлах | кодоор засварлах]Гүүрний зам нь хойноос урагшаа чигт 3 %-ийн өгсүүр бөгөөд дэвсгэр зургийн муруйлтын радиус нь 20.000 м. Энэхүү муруйлт нь хэрэглэгчдэд гүүрийг илүү сайн харах боломжийг олгох зорилготой аж.[6] Гүүрний сөрөг урсгал бүрт тус бүрдээ 3,5 м өргөнтэй хоёр эгнээ замтайгаас гадна 3 м-ийн өргөнтэй нэмэлт зогсох эгнээтэй. Эдгээр нь ослын хаалт, ослын дуудлагын багана, гал унтраагч, 24 цагийн хяналт, эргүүл, 3,2 м өндөр салхины хамгаалалт зэргээр хамгаалагдсан байдаг.
Хийц
[засварлах | кодоор засварлах]Гүүрний урт нь 2460 м ба хоёр захын тулгуур хоорондын зай нь 204 м, дунд талын зургаан тулгуур хоорондын зай 342 м. 32 метрийн өргөнтэй, хамгийн ихдээ 4,2 м өндөртэй ромб хэлбэрийн замын дам нуруу нь Тарн голоос дээш 270 м хүртэл өндөрт байрладаг.
Ортотроп замын хөндлөн огтлол нь ган хөндий дам нуруунаас бүрдэнэ.[7] Замын хийцэд тусгай зориулалтын зузаан төмөр хавтанг ашигласан ба түүний доод талд нь Заарландын «Диллингер Хүттэ» үйлдвэрт үйлдвэрлэсэн хатуулаг өндөртэй, нарийн мөхлөгт барилгын ганг хэрэглэжээ.[8]
245 м хүртэл өндөртэй тус гүүрний төмөр бетон тулгуур багана нь баригдаж дуусах хүртлээ дэлхийн хамгийн өндөр тулгууртай гүүр байв. Хөндий төмөр бетон тулгуур нь нийт уртаараа өөр өөр хөндлөн огтлолтой. Зорчих хэсгийн доогуур ү-хэлбэрт хуваагдсан, босоо тэнхлэг дагуу бэхлэгдсэн. Тулгуур баганын суурийн талбай нь 220 м² бөгөөд дээш нарийссаар 30 м² болно. Тулгуур багана нь гүүрний өргөн чигт оройн хэсгээрээ 10 м ёроол хэсгээрээ 27 м (хамгийн өндөр тулгуур). Төмөр бетон тулгуурт 53.000 м³ бетон цутгажээ. Нийт 206.000 тонн бетон хэрэглэсэн байна.
Зургийн цомог
[засварлах | кодоор засварлах]
Цахим холбоос
[засварлах | кодоор засварлах]
Эх сурвалж
[засварлах | кодоор засварлах]- 1 2 3 4 5 6 7 8 9 10 11 12 13 Виадук де Мийо. Structurae—мэдээллийн сан
- 1 2 3 "France shows off tallest bridge". BBC News Online. 2004-12-14. Татаж авсан: 2026-06-22.
- ↑ (2004-06-23 – 25) "The design and the construction of the Millau Viaduct" in Steel bridges extend structural limits.: 1–18.
- 1 2 "France 'completes' tallest bridge". news.BBC.co.uk. BBC News. 2004-05-29. Татаж авсан: 2026-06-22.
- ↑ Крис Бокман (2003-11-04). "France builds world's tallest bridge". BBC News Online. Мийо. Татаж авсан: 2026-06-22.
- ↑ Michel Virlogeux: Der Viadukt über das Tarntal bei Millau – Von den ersten Entwurfsgedanken bis zur Fertigstellung. In: Bautechnik, Jg. 83, 2006, S. 96.
- ↑ Millau-Viadukt. In: Structurae
- ↑ Grobblech für das Viadukt von Millau. Die längste Schrägseilbrücke der Welt: aus DI-MC. (Memento 18. Нэгдүгээр сар 2016 цахим архивт). In: Dillinger Hütte Gruppe.