Виктор Геращенко

Виктор Геращенко (орос. Ви́ктор Влади́мирович Гера́щенко, 1937 оны 12-р сарын 21-нд ЗХУ-ын Ленинград хотод төрсөн -2025 оны 5-р сарын 11-нд нас барсан)— Зөвлөлтийн болон оросын эдийн засагч, санхүүч, банкир. Зөвлөлтийн болон Оросын Төв банкийг 4 удаа тэргүүлж байсан цорын ганц хүн.

Намтар

Виктор Геращенко эдийн засагч, банкирын гэр бүлд төрсөн. Эцэг Владимир Сергеевич Геращенко (1905-1995), 1948-1958 онд ЗХУ-ын Төрийн банкны ТУЗ-ийн нэгдүгээр орлогч даргаар ажиллаж байжээ. Эх Геращенко (Клинова) Анастасия Васильевна.

Тэрээр 1960 онд Москвагийн Санхүүгийн дээд сургуулийг төгсөөд ЗХУ-ын Төрийн банканд нягтлан бодогчоор ажлын гараагаа эхлүүлсэн байна. 1961 онд ЗХУ-ын Внешторгбанкны нягтлан бодогчоор ажиллаж, дараа нь байцаагч, Внешторгбанкны Гадаад болон дотоод тооцооны хэлтсийн мэргэжилтэн, Гадаад валют, бэлэн мөнгөний үйл ажиллагааны хэлтсийн даргаар томилогдон ажилласан юм. 1965 оноос хойш тэрээр Лондон дахь Москвагийн Народный банкны захирлуудын нэг болжээ.

1967-1972 онд тэрээр менежерийн орлогч, 1969 оноос Ливаны Бейрут дахь Москвагийн Ардын банкны салбарын менежерээр ажиллаж байжээ.

1972-1974 онд ЗХУ-ын Гадаад худалдааны банкны хэлтсийн орлогч даргаар ажиллаж байсан.

1974-1977 онд Ост-Вест Ханделсбанкны (Герман улсын Майны Франкфурт) ТУЗ-ийн даргаар ажиллаж байсан.

1977-1982 онд Бүгд Найрамдах Сингапур Улс дахь Москвагийн Народный банкны салбарын менежерээр ажилласан.

1982-1985 онд ЗХУ-ын Гадаад худалдааны банкны ТУЗ-ийн орлогч даргын албыг хашиж байсан. 1985 онд тэрээр ЗХУ-ын Внешторгбанкны ТУЗ-ийн нэгдүгээр орлогч дарга болсон.

1989-1991 онд ЗХУ-ын Сангийн сайд Валентин Павловын саналаар ЗХУ-ын Төрийн банкны даргаар томилогдсон байна.

1992 оны 11-р сараас 1994 оны 10-р сар хүртэл тэрээр Оросын Төв банкны даргаар ажиллаж байсан. Геращенко албан тушаал хашиж байхдаа инфляцийг бууруулах, мөнгөний нийлүүлэлтийг бууруулах зорилгоор 1993 онд мөнгөний шинэчлэлийг хийсэн.

1996-1998 онд Олон улсын Москва банкны ТУЗ-ийн даргаар ажиллаж байсан.

1998 оны 11-р сард тэрээр Олон улсын валютын сан дахь ОХУ-ын захирагчаар томилогдсон боловч 2000 оны 8-р сард энэ албан тушаалаас чөлөөлөгдсөн.

1998 оны 9-р сарын 11-нд тэрээр Ерөнхий сайд Евгений Примаковын санал болгосоноор Оросын Төв банкны даргын албан тушаалыг дахин очсон байна. 2002 оны 3-р сард өөрийн бус хүсэлтээр М.Касьяновыг Ерөнхий сайд байх үед огцорсон гэдэг.

2003 оны 12-р сард Төрийн Думын IV чуулганд "Эх орон" намаас сонгогдсон. 2004 оны 6-р сард Михаил Ходорковскийг баричилсаны дараа "ЮКОС" компаний Захирлуудын Зөвлөлийг тэргүүлэх болсон болов 2006 онд "ЮКОС"-ыг дампуурсан гэж зарласан байна.