Висбю

Висбю (швед. Visby) нь Балтын тэнгист байрлах Шведийн хамгийн том арал болох Готланд лений засаг захиргааны төв бөгөөд боомт хот юм. Тус хот нь Скандинавын хойг дахь дундад зууны үеийн хамгийн сайн хадгалагдсан бэхлэгдсэн хот гэдгээрээ дэлхийд алдартай. Ханзын холбооны үед худалдааны стратегийн чухал зангилаа байсан бөгөөд 3.4 км урт үргэлжлэх хотын түүхэн хэрэм (швед. Visby ringmuren)-ээрээ алдартай. Висбю хотыг 1995 онд ЮНЕСКО-гийн Дэлхийн соёлын өвд бүртгэсэн байна.