Владимир Мединский
.jpg)
Владимир Мединский (орос. Владимир Ростиславович Меди́нский, 1970 оны 7-р сарын 18-нд ЗХУ-ын Зөвлөлт Украины Черкас мужийн Смела хотод төрсөн) — Оросын төрийн болон улс төрийн зүтгэлтэн бөгөөд 2020 оны 1-р сарын 24-нөөс хойш ОХУ-ын Ерөнхийлөгчийн туслахаар ажиллаж байна. Тэрээр мөн ОХУ-ын нэгдүгээр зэргийн төрийн жинхэнэ зөвлөх юм.
ОХУ-ын Холбооны Хурлын Төрийн Думын IV, V чуулганы депутат (2004–2011), Нэгдсэн Орос улс төрийн намын Дээд Зөвлөлийн Товчооны гишүүн (2017 оноос хойш). 2012-2020 онд ОХУ-ын Соёлын сайд. 2025 оны 2-р сарын 27-ноос хойш Оросын Зохиолчдын Эвлэлийн дарга, нэгдүгээр нарийн бичгийн дарга.
2017 оноос хойш АНУ, 2022 оноос хойш Канад "Оросын худал мэдээлэл, суртал ухуулга тараахад оролцсон" хэргээр хориг арга хэмжээ авсан. 2022, 2025 онд Орос Украинд халдсан үеэр Орос, Украины хооронд болсон хэлэлцээрт Оросын төлөөлөгчдийг тэргүүлэн оролцсон.
В.Мединский 1992 онд Москвагийн Олон улсын харилцааны дээд сургууль олон улсын харилцааны (PR технологи) мэргэжлээр онц суралцаж төгссөн. Сүүлд Forbes сэтгүүл түүнийг "Владимир Путины үзэл суртлын гол хүн" гэж тодорхойлсон юм.
Оросын ерөнхий боловсролын сургуулийн 11-р ангийн сурагчдад зориулсан шинэ түүхийн сурах бичгийн зохиогчдын нэг болох В.Мединскийн онцгой үүрэгтэй оролцсон бөгөөд уг сурах бичигт Зөвлөлтийн Унгар, Чехословак, Афганистанд хийсэн түрэмгийлэлийг эерэгээр үнэлж, ЗХУ-ын хүний эрхийн хөдөлгөөнийг буруушаасан гэж үздэг.