Гранада
Грана́да (исп. Granada [ɡɾaˈnaða]) — Испанийн өөртөө засах Андалуси нутгийн Гранада мужийн нийслэл хот. Энэ хот нь 88.02 км2 талбайг эзэлдэг бөгөөд 232,208 хүн амтай (2018 оны байдлаар) байсан.
Түүх
[засварлах | кодоор засварлах]
Гранада нь МЭӨ 500 оноос хойш Иберийн болон Финикийн "Илиберра" суурин гэгддэг байсан. Эргэн тойрон дахь уулсын дунд нөмөр нөөлөгтэй, маш үржил шимтэй хөрстэй уг газарт бүр ч эрт суурин байсан юм. Ромчууд Иберийн хойгийг эзлэн авсны дараа Илиберра хэмээх суурин оршин байсан нь эх сурвалжийн баримтаар нотлогддог юм. Ромын эзэнт гүрэн задран унасны дараа тус бүс нутаг Хойд Африкийн Вандал улсын нөлөөнд орж, 534 онд задран унаснаас хойш хэдэн арван жилийн турш Византын эзэнт гүрний мэдэлд орсон ба 7-р зууны эхэн үеэс Иберийн вестготуудын буюу "баруун готтуудын" мужид харьяалагдаж байв.
711 онд хотыг маврууд эзлэн авч, хотыг араб маягаар "Илбира" гэж нэрлэх болсон байна. 756 онд Мадинат Илбира хот нь зүүн хойд зүгт 10 км-ийн зайд мужийн төв болж, хуучин суурингийн нутаг дэвсгэр нь Калат Гарната гэж нэрлэгддэг болсон бөгөөд хотын орчин үеийн нэр үүнээс гаралтай юм.
1492 оны 1-р сарын 2-нд Насридын захирагч XII Мохаммед (Боабдил) Гранада хотыг бүсэлж байсан испаничуудад бууж өгч, хотыг шилжүүлэн өгчээ.
Хүн ам
[засварлах | кодоор засварлах]| 1981 | 1991 | 2001 | 2002 | 2003 | 2004 | 2005 | 2006 | 2007 |
|---|---|---|---|---|---|---|---|---|
| 262.000 | 255.200 | 243.341 | 240.522 | 237.663 | 238.292 | 236.982 | 237.929 | 236.207 |
| 2008 | 2009 | 2010 | 2011 | 2012 | 2013 | 2014 | 2015 | 2016 |
| 236.988 | 234.325 | 239.154 | 240.099 | 239.017 | 237.818 | 237.540 | 235.800 | 234.758 |
| 2017 | 2018 | 2019 | 2020 | 2021 | 2022 | 2023 | 2024 | |
| 232.770 | 232.208 | 232.462 | 233.648 | 231.775 | 228.682 | 230.595 | 232.717 |
Түүхэн үзмэрүүд
[засварлах | кодоор засварлах]Гранада нь маврын эрин үеэс өвлөгдөж ирсэн олон түүхэн уран баримлын дурсгалуудаараа алдартай бөгөөд Готик ба Сэргэн мандалтын үед хамаарагддаг юм. Энэ хот нь урлангууд, гитар үйлдвэрлэгчдээрээ алдартай.