Гульелмо Маркони Их Сургууль
| Università Degli Studi Guglielmo Marconi | |
 | |
| Байгуулагдсан он | 2004 |
|---|---|
| Ректор | Alessandra Briganti |
| Эрдэмтэн багш нар | 500 |
| Оюутан | 16,000 (2025) |
| Байршил | Ром, Итали |
| Кампус | Хотын |
| Өнгөнүүд | Ногоон, цагаан |
| Цахим хаяг | www |
 | |
Гульелмо Маркони их сургууль (Итали: Università Degli Studi Guglielmo Marconi) (Товчлол: UniMarconi) нь Итали улсын Ром хотод байрлах ашгийн бус, хувийн сургууль юм. Энэ сургууль бакалавр болон магистрын түвшний боловсрол олгодог.
Анх энэхүү их сургуулийг “Cassa di Risparmio di Roma”, “Formazione per la Comunicazione” хэмээх их сургуулиудын консорциум, мөн “Cassa di Risparmio di Bologna”-гийн оролцоотойгоор Tertium Foundation-оос санаачлан байгуулжээ.
Гульелмо Маркони их сургууль 2004 онд Италийн хууль болон боловсролын системээр хүлээн зөвшөөрөгдсөн сайдын тушаалаар батлагдсан. 2005 онд тус сургууль нь 120 их сургууль багтсан GUIDE холбоонд нэгдсэн.
Их сургууль нь эрчимтэй судалгааны үйл ажиллагаа явуулдаг. Үүнд багш нар, эрдэм шинжилгээний нийтлэл, сэтгүүлүүд, лабораториуд, докторын хөтөлбөрүүд, үндэсний болон Европын төслийн судалгааны багууд багтдаг.
Эдгээр төслүүд нь эрчим хүч, байгаль орчин, дээд боловсролын технологийн хэрэглээтэй холбоотой салбаруудыг хамардаг.
GMU Magazine нь 2016 онд үүсгэн байгуулагдсан сэтгүүл бөгөөд сургуулийн академик болон судалгааны үйл ажиллагааг олон нийтэд сурталчлах зорилготой. Сэтгүүл нь дараах 3 хэсэгтэй:
- Академик онцлох зүйлс
- Судалгааны онцлох хэсэг
- Ирээдүйн хараа
Эдгээр хэсгүүд нь олон улсын төслүүд, арга хэмжээ, мэдээ мэдээллийг олон нийттэй хуваалцахад зориулагддаг.
Сэтгүүлд хөнддөг гол сэдвүүд: цахим сургалт, хөдөлгөөнт байдал, сургалт, судалгаа, технологи, үйлдвэрлэл 4.0 болон эдгээртэй холбоотой мэдээ мэдээлэл юм.