Ерөнхий хиймэл оюун ухаан
Ерөнхий хиймэл оюун ухаан (AGI) гэдэг нь компьютер хүн шиг, бүр түүнээс ч илүү олон төрлийн даалгавар гүйцэтгэж чаддаг болохыг хэлнэ. Одоогийн байдлаар зарим ажлыг зөвхөн хүн л хийх боломжтой бөгөөд тэд суралцах, сэтгэх, төлөвлөх ур чадвараараа үйл ажиллагаа явуулж чадна. AGI нь компьютерууд асуудал шийдвэрлэх, шинэ мэдээллийг ойлгох, шинэ ур чадвар эзэмших зэрэг олон төрлийн ажлыг хүнтэй ижил түвшинд зохицуулдаг.
AGI нь "нарийн" хиймэл оюун ухаанаас (нарийн AI) ялгаатай. Нарийн хиймэл оюун ухаан нь нүүр царайг таних, шатар тоглох гэх мэт тодорхой ажлыг сайн гүйцэтгэхийн тулд бүтээгдсэн. Харин AGI нь тусгайлан програмчлаагүй олон ажлыг хийх боломжтой.
Супер хиймэл оюун ухаан (ASI) гэдэг нь хүнээс хэд дахин илүү ухаалаг компьютер үүсгэх санаа юм. Энэ нь AGI-ийн дараагийн шат гэж үздэг.
OpenAI, Meta зэрэг компаниудын ажилчид ерөнхий асуудлыг шийдэж чадах компьютер бүтээхийг хичээж байна. Тэдний чухал зорилго нь АGI-ийг бүтээх юм.
Түүх
[засварлах | кодоор засварлах]2020 онд хийсэн судалгаагаар дэлхийн 37 оронд 72 AGI-ийн судалгаа, хөгжүүлэлтийн төсөл явагдаж байгааг тогтоожээ.
2023 онд зарим мэргэжилтнүүд AGI-д хэдэн арван жилийн дотор хүрч чадна гэж таамаглаж байсан бол зарим нь зуу гаруй жилийн хугацаа шаардагдана эсвэл огт боломжгүй гэж үзсэн. Хиймэл оюун ухааны эрдэмтэн Жеффри Хинтон ахиц дэвшил маш хурдан болж байгаад ихэд санаа зовж байна. Тэрээр AGI-ийг ихэнх хүмүүсийн бодож байснаас илүү хурдан бий болж магадгүй гэж таамагласан.
AGI-ийн тодорхойлолтын талаар хүмүүс янз бүрийн бодолтой байдаг. Зарим судлаачид одоо байгаа компьютерийн системүүд (GPT-4) нь AGI-ийн анхны хэлбэр байж болно гэж мэдэгдсэн.
AGI нь шинжлэх ухааны уран зөгнөлт зохиол, ирээдүйн тухай судалгаанд түгээмэл гардаг сэдэв юм.
AGI ямар аюултай байж болох талаар маргаан үүссэн ба зарим нь AGI-ийг маш аюултай гэж боддог бол зарим нь хүмүүс хэт их эсвэл хэтэрхий эрт санаа зовж байна гэж үздэг.
Олон хиймэл оюун ухааны судлаачид AGI нь хүмүүст сөрөг нөлөө үзүүлж, цаашлаад хүн төрөлхтнийг устгах эрсдэлтэй гэж санаа зовж байгаа бөгөөд энэ эрсдэлийг арилгахын тулд дэлхий даяарх хүмүүс хамтран ажиллах нь чухал гэж тэд итгэж байна. Харин зарим хүмүүс AGI ойрын хугацаанд бий болохгүй гэж үзэж, энэ нь одоохондоо ноцтой аюул биш хэмээн бодож байна.