Жиотто ди Бондонэ
Жио́тто ди Бондонэ (итал. Giotto di Bondone; 1266 буюу 1267 онд Флоренц мужийн Виккио хотод төрсөн — 1337 оны 1-р сарын 8-нд Флоренцид нас барсан) — италийн 15-р зууны уран зураач бөгөөд уран барималч, проторенессансын анхны төлөөлөгчдийн нэг. Баруун Европын урлагийн түүхэнд онцгой үүрэгтэй хүн. Византийн дүрс бичлэгийн уламжлалыг давж, Жиотто Италийн уран зургийн сургуулийг үүсгэн байгуулж, орон зайг дүрслэх шинэ арга барилыг боловсруулсан байна. Жиоттогийн бүтээлүүд Леонардо да Винчи, Рафаэль Санти, Микеланжело нарт урам зориг өгсөн гэдэг.