Жорж Паркер

Жорж Сэффорд Паркер (англи. George Safford Parker, 1863 оны 11-р сарын 1-нд АНУ-ын Висконсин мужийн Шаллсберг хотод төрсөн — 1937 оны 7-р сарын 19-нд Иллиной мужийн Чикаго хотод нас барсан) — америкийн зохион бүтээгч, аж үйлдвэр эрхлэгч бөгөөд "Parker Pen Company" үүсгэн байгуулагч.

Жорж Паркер 1863 оны 11-р сард Висконсин мужийн Шуллсбург хотод төрсөн бөгөөд Айова мужийн Файетт хотын Дээд Айовагийн Их Сургуулийг төгссөн.

1880 онд Паркер Жанесвиллийн Телеграфын Сургуульд ажиллаж эхэлсэн бөгөөд бэх соруулдаг үзэг засварлаж, зарж нэмэлт мөнгө олдог байжээ. Тэдгээр үзэг нь найдваргүй байсан тул бэх гоожихоос урьдчилан сэргийлэх аргуудыг туршиж эхэлсэн. 1888 онд Паркер "Паркер Үзэгний Компани"-ийг үүсгэн байгуулжээ. Дараа жил нь тэрээр усан үзэгний анхны патентаа авчээ. 1908 он гэхэд Жанесвилл хотын Main Street гудамжинд байрлах түүний үйлдвэр дэлхийн хамгийн том бэх соруулдаг үзэг үйлдвэрлэгч болжээ.