Зэрлэг ан амьтдын цэцэрлэг
Зэрлэг ан амьтдын цэцэрлэг нь уугуул болон тэр газар нутгийн ургамал, шувууд, хоёр нутагтан, хэвлээр явагчид, шавж, хөхтөн амьтад гэх мэт төрөл бүрийн амьтдад амьдрах орчныг бүрдүүлж өгдөг бөгөөд нутгийн уугуул ургамал, амьтныг тэжээх зорилготой. Энэ төрлийн цэцэрлэгжүүлэлт нь өөр өөр нэртэй байж болох ч хамгийн алдартай нь амьдрах орчин, экологи, байгаль хамгаалах цэцэрлэгжүүлэлт юм. Олон нийтийн болон хувийн цэцэрлэгийн зорилго зэрлэг ан амьтдыг татахын тулд тусгайлан зохион бүтээгдсэн байдаг бөгөөд ингэснээр бэлэн байгаа хоргодох байр, тэжээгдэлээр дамжуулан байгалийн дэмжлэг үзүүлэх боломжтой. Цэцэрлэгжүүлэлтийн энэ арга нь тархай бутархай байршлын хэлбэлзэл, амьдрах орчны хүртээмжтэй байдлаас шалтгаалан холболтыг бий болгоход хувь нэмэр оруулдаг тул нийтийн эзэмшлийн цэцэрлэгүүдтэй адил хувийн цэцэрлэгүүдийн нөхөн сэргээлтийн нэг хэлбэр байж болно. Байшин барихаас өмнө хүрээлэн буй орчныг дуурайсан цэцэрлэг байгуулах ба/эсвэл цэцэрлэгийг ойролцоох зэрлэг байгальтай төстэй болгох (дахин сэргээх) нь байгалийн системүүд хоорондоо харилцан үйлчлэлцэж, тэнцвэрийг бий болгож, эцэст нь цэцэрлэгчийн засвар үйлчилгээ, хөндлөнгийн оролцоог багасгах боломжтой болох болно. Зэрлэг ан амьтдын цэцэрлэг нь хортон шавьжны устгал хяналтад чухал үүрэг гүйцэтгэхээс гадна биологийн олон янз байдал, уугуул тариалалт, ерөнхийдөө байгаль орчинд нийтэд нь ашиг тусаа өгөх болно. Байгаль орчны зарим ашиг тус нь пестицидийн хэрэгцээг багасгахад туслах замаар хортон шавьжийн устгал хяналтыг байгалийн механизмаар хортон шавьжийн тоо хэмжээг бууруулах явдал юм. Амьдрах орчны цэцэрлэгүүд нь мөн хүрээлэн орчинд уст давхаргыг цэнэглэж, борооны ус таслаж экосистемийн үүрэг гүйцэтгэдэг.