Игорь Рогачёв

Игорь Рогачёв (орос. И́горь Алексе́евич Рогачёв, 1932 оны 3-р сарын 1-нд ЗХУ-ын Москва хотод төрж, 2012 оны 4-р сарын 7-нд ОХУ-ын Москва хотод нас барсан) - Зөвлөлтийн дипломат болон Оросын Онц бөгөөд Бүрэн эрхт Элчин сайд цолтой дипломатч. Түүхийн шинжлэх ухааны доктор. 1992-2005 онуудад ОХУ-аас Хятадад суугаа Онц бөгөөд Бүрэн эрхт Элчин сайд. 2005-2012 онуудад Амур мужаас ОХУ-ын Холбооны Хурлын Холбооны Зөвлөлийн гишүүн байсан.

Намтар

1949-1955 онд - ЗХУ-ын Москва хотын Олон улсын харилцааны дээд сургуульд сурч төгссөн.
1956-1961 онд - БНХАУ дахь ЗХУ-ын Элчин сайдын яамны ажилтан.
1961-1965 онд - ЗХУ-ын Гадаад хэргийн яамны ажилтан.
1965-1969 онд - АНУ дахь ЗХУ-ын Элчин сайдын яамны ажилтан.
1969-1972 онд - БНХАУ-д суугаа ЗХУ-ын Элчин сайдын яамны зөвлөх.
1971-1972 онд - Зөвлөлт-Хятадын хилийн асуудлыг зохицуулах хэлэлцээрт засгийн газрын төлөөлөгчдийн гишүүн.
1972-1978 онд - ЗХУ-ын Гадаад хэргийн яамны төв аппаратын ажилтан.
1978-1983 онд - ЗХУ-ын ГХЯ-ны Зүүн өмнөд Азийн газрын дарга.
1983-1986 онд - ЗХУ-ын ГХЯ-ны Алс Дорнодын 1-р хэлтсийн дарга, ЗХУ-ын ГХЯ-ны Удирдах зөвлөлийн гишүүн.
1986-1992 онд - ЗХУ/ОХУ-ын Гадаад хэргийн дэд сайд. ЗСБНХУ, АНУ-ын хооронд байгуулсан Далайн орон зайг хязгаарлах шугамын тухай хэлэлцээрийн ажлын хэсгийг ахалж байсан.
1986-1987 онд - ЗХУ-ын ГХЯ-ны Азийн социалист орнуудын хэлтсийн дарга.
1987-1991 онд - Хилийн асуудлаарх Зөвлөлт-Хятадын хэлэлцээрт ЗХУ-ын засгийн газрын төлөөлөгчдийн тэргүүн.
1988-1991 онд - Камбожийн асуудлаарх олон улсын хэлэлцээрт ЗХУ-ын төлөөлөгчдийн тэргүүн.
1991 онд ЗХУ-ын Ерөнхийлөгчийн Өмнөд Солонгос дахь тусгай төлөөлөгч.
1991 онд - ОХУ-ын Ерөнхийлөгчийн тусгай төлөөлөгч, Умард Солонгосод суугаа Тусгай үүрэг гүйцэтгэгч Элчин сайд.
1992 -2005 онд - ОХУ-аас БНХАУ-д суугаа Онц бөгөөд Бүрэн эрхт Элчин сайд.
2003-2004 онд - Умард Солонгосын цөмийн асуудлыг шийдвэрлэх зургаан талт Бээжинд болсон хэлэлцээрт Оросын төлөөлөгчдийн орлогч дарга.
2005-2012 онд - ОХУ-ын Холбооны Хурлын Холбооны Зөвлөл дэх Амур мужийн засаг захиргааны төлөөлөгч, Холбооны Зөвлөлийн Олон улсын харилцааны хорооны гишүүн, Холбооны Зөвлөлийн Мэдээллийн бодлогын комиссын гишүүн.
2012 онд 80 насандаа Москва хотод нас барсан.