Каролинскийн хүрээлэнгийн Нобелийн чуулган

Каролинскийн хүрээлэнгийн Нобелийн чуулган

Nobelförsamlingen vid Karolinska Institutet
Байгуулагдсан	1901 1978 оны 3 сарын 13 (албан ёсны байгууллага)
Төв байр	Стокхольм, Швед
Гишүүнчлэл	50 гишүүн
Дарга	Жеспер Хэггстрем
Даргын орлогч	Эва Хеллстрем Линдберг
Вебсайт	www.nobelprizemedicine.org

Каролинскийн хүрээлэнгийн Нобелийн чуулган нь Физиологи, анагаах ухааны салбарын Нобелийн шагналыг олгодог байгууллага юм. Энэхүү хороо нь Каролинскийн хүрээлэнгийн хотхоны нутаг дэвсгэр дэх Нобелийн форумд байрладаг. Анхандаа Нобелийн хороо нь тусдаа албан байгууллага биш, харин Каролинска институтийн бүх профессор (бүрэн эрхт профессор буюу салбар хариуцсан профессор)-ын нэгдэл байсан. Харин 1977 онд тус хороог Каролинскийн хүрээлэнгийн хүрээнд байрлах бие даасан хувийн байгууллага болгон зохион байгуулжээ. 1984 он хүртэл Каролинскийн хүрээлэнгийн бүх профессорууд хорооны гишүүн байсан бол 1984 оноос хойш гишүүдийн тоог 50 профессороор хязгаарласан байна.

Үндсэн үйл ажиллагаа

Нэр дэвшигчдийн саналыг цуглуулах, тэднийг шалгаруулах үндсэн ажлыг Каролинска институтийн Нобелийн хороо гүйцэтгэдэг. Нобелийн хороо нь таван гишүүнтэй бөгөөд эдгээрийг Нобелийн ассемблейн зүгээс томилдог. Нобелийн хороо зөвхөн шагналтан тодруулах зөвлөмж гаргах эрхтэй бөгөөд эцсийн шийдвэрийг Нобелийн ассемблей гаргадаг.

Түүх

Физиологи ба анагаах ухааны салбар дахь Нобелийн шагналыг анх 1901 онд гардуулж эхэлсэн. 20-р зууны ихэнх хугацаанд шагналтанг Каролинска институтийн бүх профессоруудаас бүрдсэн хамтын хороо шийдвэрлэдэг байжээ. Харин 1977 онд энэхүү Нобелийн ассемблейг тусдаа хувийн байгууллага болгон байгуулсан байна. Тусгай байгууллага бий болгох шалтгаан нь Каролинска институт нь төрийн мэдлийн их сургууль бөгөөд Швед улсын төрийн байгууллагуудад хамаарах хууль, тухайлбал мэдээллийн ил тод байдлын хууль зэрэгт захирагддагтай холбоотой юм.