Кингс Их Сургууль

Кингс Их Сургууль нь Канадын Альберта мужийн Эдмонтон хотод байрлах христийн шашны суурьтай их сургууль бөгөөд урлаг, хүмүүнлэгийн ухаан, хөгжим, нийгмийн ухаан, байгалийн шинжлэх ухаан, бизнес, боловсрол зэрэг чиглэлээр бакалаврын зэрэг олгодог.

Кингс Их Сургууль нь Альберта мужийн 26 улсын санхүүжилттэй дээд боловсролын байгууллагуудын нэг юм. Тус сургуульд Канад болон бусад 16 гаруй орны 900 гаруй оюутан суралцдаг. Оюутнууд 37 чиглэлээр 650 гаруй хичээлийн сонголттой.

Сургалтын хөтөлбөрүүд

- 3 болон 4 жилийн Бакалаврын зэрэг: Урлаг, хүмүүнлэгийн ухаан, нийгмийн ухаан,    байгалийн шинжлэх ухаан, худалдаа

- 2 жилийн Боловсролын бакалаврын дараах шатны зэрэг

Онцлох хөтөлбөрүүд:

-Байгаль орчны судлал

-Улс төр-Түүх-Эдийн засгийн хосолсон мэргэжил

Одоогоор 900 гаруй оюутан Урлагийн бакалавр (BA), Шинжлэх ухааны бакалавр (BSc), Хөгжмийн бакалавр (BMus), Худалдааны бакалавр (BCom), Боловсролын бакалавр (BEd) зэрэг хөтөлбөрүүдэд суралцаж байна.

Кингс Их Сургууль нь шашин шүтлэг харгалзахгүй, шаардлага хангасан бүх оюутныг хүлээн авдаг. Лаборатори, хээрийн судалгаа, уран зохиолын судалгаа зэрэг судалгааны чиглэлээр оюутнуудыг идэвхтэй хамруулдаг. Мөн олон их сургууль, төрийн бус байгууллага, олон улсын түншүүдтэй хамтарсан судалгааны төслүүдийг хэрэгжүүлдэг.[1]