Клеопатра

VII Клеопатра Теа Филопатор (эртний грек. Κλεοπάτρα Θεά Φιλοπάτωρ, копт. Ⲕⲗⲉⲱⲡⲁⲧⲣⲁ Ⲫⲓⲗⲟⲡⲁⲧⲱⲣ; НТӨ 69 оны 1-р сарын 13-нд Эртний Египетийн Александриа хотод төрж, НТӨ 30 оны 8-р сарын 12-нд Эртний Египетийн Александриа хотод нас барсан) — Македоны Птолемэйн (Лагид) угсааны Эллинист үеийн Египетийн сүүлчийн хатан хаан.

Тэрээр Ромын цэргийн жанжин Марк Антонитой гайхалтай хайр дурлалын холбоотой байсан түүхээрээ алдартай болсон. Түүний хаанчлалын сүүлийн жилүүдэд Египетийг Ром эзэлсэн бөгөөд Клеопатра өөрөө Октавианы хоригдол болохоос зайлсхийхийн тулд амиа хорлосон юм. Түүний дүр кино, уран зохиолын хамгийн алдартай эртний дүрүүдийн нэг байсан бөгөөд одоо ч хэвээр байна.

Нийтлэг мэдээлэл

VII Клеопатра Египетийг 22 жил захирч, ах (уламжлалт ёсоор нөхөр нь байсан) XIII Птолемей, дүү XIV Птолемей нартайгаа ээлж дараалан захирч, дараа нь Ромын генерал Марк Антони нартай бодит байдлаар гэрлэжээ. Тэрээр Ромд эзлэгдэхээс өмнөх Египетийн сүүлчийн бие даасан захирагч байв. Тэрээр Юлий Цезарь, Марк Антони нартай хайр сэтгэлийн холбоотой байсан тул маш их алдар нэрийг олж авсан. Цезараас хүү Цезарионыг төрүүлж, Антониас хоёр хүү, нэг охин төрүүлсэн байх магадлалтай гэж үздэг юм.

Хөгжим, зохиолд үлдсэн дүр

«Антони Клеопатра хоёр» — Уильям Шекспирын зохиол (1603—1607).
«Помпейн үхэл» Пьер Корней (Pierre Corneille)-гийн зохиол (1643).
«Клеопатра» — Иоханн Маттезоны (Johann Mattheson) дуурь (1704).
«Клеопатра» — Франц Пёницын (Franz Poenitz) дуурь (1888).
«Цезарь Клеопатра хоёр» — Бернард Шоугийн зохиол (1898).
«Египетийн шөнүүд» — Михаил Фокины балет (1908).
«Клеопатра» — М.Фокины балет (1909).
«Клеопатра» — Жюль Масснэгийн дуурь (1914).
«Антони, Клеопатра хоёр» — Сэмюэл Барберын дуурь (1966).