Клинт Иствүүд
| Клинт Иствүүд | |
|---|---|
 Клинт Иствүүд 2010 онд. | |
| Төрсөн | Клинтон Иствүүд, бага 1930 оны 5 сарын 31 |
| Ажил | Жүжигчин, найруулагч, продюсер, улс төрч |
| Он жил | 1955–одоо |
Клинтон Иствүүд, бага (Англи: Clinton "Clint" Eastwood, Jr., 1930 оны тавдугаар сарын 31-нд төрсөн) нь Америкийн кино жүжигчин, кино найруулагч бөгөөд хөгжмийн зохиолч юм. Америкийн кино академийн таван шагнал буюу Шилдэг найруулагч, Шилдэг бүтээл тус бүр хоёр удаа, Ирвинг Г. Талбергийн нэрэмжит шагналыг хүртэж кино урлагт оруулсан нөр их хөдөлмөрөө 2009 онд үнэлүүлэн Үндэсний одонгоор шагнуулсан байдаг[1].
Товч намтар
[засварлах | кодоор засварлах]Клинт Иствүүд 1930 оны тавдугаар сарын 31-нд Сан-Францискод мэндэлжээ. Кино урлагт анхлан хөл тависан жилүүддээ вестерн төрлийн киноны эерэг дүрд тоглож байв. Харин найруулагч Сержио Леонетой хамтрах болсоноор нэр алдарт хүрэх замаа нээсэн гэхэд болно.
1960-1980 оны туршид вестерн адал явдалт кинонуудын ихэнхи төлөв дуу цөөтэй байдаг гол дүрүүдээрээ Клинт Иствүүд Холливүүдийн хамгийн алдартай жүжигчин болсон билээ. 1993 оноос буюу сүүлийн жилүүдэд найруулагчийн ажлаар уран бүтээлээ туурвиж 1992 болон 2004 онд Оскарын Шилдэг найруулагч болсон юм.
Төр засгаас хөдөлмөр бүтээлээ үнэлүүлсэн тухайд 2009 оны арваннэгдүгээр сарын 13-нд гуравдугаар зэргийн Алдрын легион одонгоор, түүнчлэн Ерөнхийлөгч Николя Саркозигийн зарлигаар Францын Дээд шагналаар шагнагдсан[2].
Бүтээлүүд
[засварлах | кодоор засварлах]Шагналууд
[засварлах | кодоор засварлах]Сонирхолтой баримтууд
[засварлах | кодоор засварлах]- Ирээдүй рүү буцсан нь цувралын хоёрдугаар ангид Марти Макфлай Биффтэй уулзахаар очиход Биффийн зурагтаар Клинт Иствүүдийн тоглосон Атга алт киноноос сумнаас хамгаалсан төмөр хуягаа тайлж буй хэсэг гарч байдаг. Харин гуравдугаар ангид Марти 1885 оны Зэрлэг Өрнөдөд өөрийгөө "Клинт Иствүүд" гэж танилцуулан мөн төмөр хуягны үзэгдэлтэй хэсгийг дуурайн харуулдаг ба "Иствүүдийн хавцал" болон "Иствүүдийн гудамж" гэж гардаг.
- Ранго хүүхэлдэйн киноны үйл явдал мөн Иствүүдийн уран бүтээлтэй холбоотой байдаг.