Конкордиа Их Сургууль, Ирвайн
Конкордиа Их Сургууль Ирвайн нь АНУ-ын Калифорни мужийн Ирвайн хотод байрлах Лютеран шашны хувийн их сургууль юм. Тус сургууль нь Лютеран Сүм – Миссуригийн Холбооны коллежийн хүрээнд 1976 онд байгуулагдсан бөгөөд Номхон далайн өмнөд бүс нутгийг Христийн шашны багш, сургагч, пасторууд бэлтгэх зорилгоор үүсгэн байгуулагдсан. Конкордиа Ирвайн Их Сургууль нь нийт 1592 бакалаврын түвшний оюутантай бөгөөд 70 акр (28 га) талбай бүхий кампустай. Энэ сургууль нь Конкордиа их сургуулийн системийн нэг хэсэг юм.
Сургалт
[засварлах | кодоор засварлах]Одоогоор тус сургууль дараах тав сургуулийг багтаадаг:
- Христийн Коллеж (Судрын Сургуулийн тэнхим)
- Урлаг ба Шинжлэх Ухааны Сургууль
- Бизнесийн Сургууль
- Боловсролын Сургууль
- Мэргэжлийн Сургуулийн тэнхим
Сургууль нь дараах сургалтын хөтөлбөрүүдийг санал болгодог:
- 20 бакалаврын мэргэжил, 50 мэргэшүүлэх чиглэл
- 9 магистрын хөтөлбөр
- Насанд хүрэгчдэд зориулсан 4 бакалаврын зэрэг олгох хөтөлбөр
- 3 сувилахуйн хөтөлбөр
2014 онд тус сургууль анхны докторын зэрэгтэй хөтөлбөрөө нээсэн бөгөөд энэ нь Боловсролын Удирдлагын докторын хөтөлбөр байв.
Хотхон (Кампус)
[засварлах | кодоор засварлах]Лос-Анжелес хотоос 80 км (50 миль) өмнө зүгт Сан-Диего хотоос 130 км (80 миль) хойд зүгт Номхон далайн эргээс 9.7 км (6 миль) дотоогш Ирвайн хотод байрладаг. Ирвайн нь төлөвлөлттэй хот бөгөөд АНУ-д ижил хэмжээтэй хотуудаас хамгийн аюулгүйд тооцогддог.
Тус кампус нь байгаль хамгаалалттай бүс, ан амьтан болон явган аяллын замаар хүрээлэгдсэн, Орэнж тойргийг дээрээс харах өндөрлөг газар байрладаг.