Майкл Кларк Данкан

Майкл Кларк Данкан (Michael Clarke Duncan, 1957 оны 12-р сарын 10-нд АНУ-ын Иллиной мужийн Чикаго хотод төрж, 2012 оны 9-р сарын 3-нд Калифорни мужийн Лос-Анжелес хотод нас барсан) Америкийн дэлгэцийн жүжигчин. Тэрээр "Ногоон майл" (англи. The Green Mile, 1999) кинонд Жон Коффигийн дүрээр алдартай болсон бөгөөд энэ дүрээрээ Оскарын шагнал, Алтан бөмбөрцөг зэрэг хэд хэдэн шагналд нэр дэвшиж байжээ.

Намтар

Данкан 1957 онд Иллиной мужийн Чикаго хотод төрсөн. Майкл болон түүний эгч Жуди нарыг ганц бие эх Жан Данкан өсгөжээ. Эх нь өвчтэй болсоны улмаас тэрээр гэр бүлээ тэжээхийн тулд их сургуулиа (Миссисипи мужийн Алкорн мужийн их сургууль) орхих болсон. Онцгой бие бялдрынхаа ачаар (оргил үедээ 305 фунт жинтэй, 190 см өндөртэй байсан) тэрээр Чикагогийн клубүүдэд хамгаалагчаар ажиллаж байсан бөгөөд дараа нь Лос-Анжелест хип хоп уран бүтээлч The Notorious B.I.G.-ийн бие хамгаалагчаар ажиллаж байжээ. Данкан мөн Бразилын жиу-жицугаар хичээллэж байсан. Түүний анхны томоохон кино нь 1998 оны шинжлэх ухааны уран зөгнөлт кино болох "Armageddon" байв. Зураг авалтын үеэр тэрээр Брюс Уиллистэй танилцаж, хожим нь "The Green Mile" кинонд Жон Коффигийн дүрд тоглоход нь Уиллис тусалсан бөгөөд Данкан энэ дүрээрээ Оскар, Алтан бөмбөрцөг шагналд нэр дэвшиж байжээ.