Манхаймын их сургууль

Манхаймын их сургууль, товчоор МИС нь Германы Баден-Вюртемберг мужийн Манхайм дахь улсын судалгааны их сургууль юм. 1967 онд байгуулагдсан уг их сургууль нь 1763 онд Манхайм ордны сонгогч Карл Теодорын үүсгэн байгуулсан Палатины шинжлэх ухааны академи мөн 1907 онд байгуулагдсан Handelshochschule(Манхайм худалдааны коллеж)-ээс эхтэй.

Уг их сургууль нь бизнесийн удирдлага, эдийн засаг, хууль эрх зүй, нийгмийн ухаан, хүмүүнлэг, математик, компьютерийн шинжлэх ухаан болон мэдээллийн систем чиглэлээр баклавар, магистер, докторын зэргийн хөтөлбөрийг санал болгодог. Их сургуулийн кампус нь Манхайм нь хотын төвд байдаг бөгөөд үндсэн кампус нь Манхайм ордонд байдаг. 2020-2021 оны хичээлийн жилд бүтэн цагийн 11640 оюутан, 1600 эрдэм шинжилгээний ажилтан, 194 профессортой мөн 121 сая еврогийн орлоготой байв. Энэ нь 5 сургууль, 2 магистер, докторын зэргийн коллежоос бүрддэг. МИС нь бизнесийн удирдлага, эдийн засаг, хууль, нийгмийн ухаан, хүмүүнлэг, математик, компьютерийн шинжлэх ухаан, мэдээллийн систем чиглэлээр баклавар, магистер болон докторын программ санал болгодог.