Марлон Брандо

Brando (1951)

Марлон Брандо (Англи: Marlon Brando, Jr., 1924 оны 4 сарын 3 - 2004 оны 7 сарын 1) нь Оскарын шагнал хүртэж байсан Америкийн Нэгдсэн Улсын кино жүжигчин юм. Түүнийг бүх цаг үеийн хамгийн агуу жүжигчдийн нэг гэдэг бөгөөд Америкийн Кино Институт түүнийг Америкийн 4 дэх хамгийн агуу эрэгтэй жүжигчин гэж тодорхойлж байжээ. Киноны хажуугаар Брандо нийгмийн зүтгэлтэн байсан бөгөөд тэрээр Америкийн Иргэний эрх ба Америкийн Индианчуудын хөдөлгөөнүүдийг идэвхтэй дэмждэг байв.

1954 онд On the Waterfront киногоороо Америкийн Академийн шагналыг Шилдэг жүжигчны ангилалд эхнийхээ удаа хүртсэн. Тэрээр маш олон киононд тоглосон. Тэр дундаас Зорилгогүй Босогч (Англи: Rebel Without A Clause) кино нь тухайн цаг үе, нийгэм, залуучуудад хүрч нөлөөлсөн алтан хитүүдийнх нь нэг, түүний оргил бүтээлүүдийн нэг болсон.

1972 онд Брандо найруулагч Францис Форд Копполагийн найруулсан Загалмайлсан Эцэг кинонд Вито Корлеоногийн дүрийг бүтээсэн. Парамаунт студи эхэндээ уг дүрийг өөр жүжигчинд өгөхөөр төлөвлөж байсан ч Дэнни Томас уг дүрд тоглохоос татгалзсан тул Брандод өгөхөд хүрсэн гэдэг. Энэ дүрээрээ Брандо Шилдэг жүжигчний ангилалд Академийн шагнал буюу Оскарын шагнал хүртсэн. Гэсэн ч тэрээр Оскарын шагнал авахаасаа татгалзсан бөгөөд ийнхүү Академийн шагнал авахаасаа татгалзсан хоёр дахь жүжигчин болж түүхэнд үлдсэн.

Брандогийн муу нэр, асуудалтай гэр бүлийн амьдрал, таргалалт нь нас барахынхаа өмнөх хэдэн жилийн жүжиглэлтээс илүү олныг гайхшруулж байсан юм. Тэрээр 1960аад оноос 1990 оны дунд хавьцаа хүртэл маш их жин нэмсэн бөгөөд 136кг хүртэл таргалж, үүнээсээ гадна чихрийн шижин өвчтэй болсон юм. Тэрээр карьерийнхаа турш жингийн өөрчлөлтийн тухай олон өөрчлөлттөй байсан бөгөөд стрэссэээс үүдсэн их идэлт болон түүнийгээ дарах хоолны дэглэм ашиглаж байсан юм.

Тэрээр алдарт дуучин Майкл Жэксоны дотны найз нь байсан ба түүний Нэвэрландад хэдэн долоо хоногоор амардаг байжээ. Тэрээр 2001 онд Жэксоны 30 жилийн арга хэмжээнд 2 хонгийн дуучны карьерээ эхлүүлж 13 минутын урт чи миний дэлхийг доргиодог (англ. You Rock My World) хэмээх дууны клипээ цацсан юм. Тэрээр мөн энэ арга хэмжээнд үг хэлсэн боловч хүмүүс сайнаар хүлээж аваагүй юм.