Менло коллеж

Менло коллеж

Менло коллежын тэмдэг
Байгуулагдсан он	1927 (99 жилийн өмнө)
Төрөл	Хувийн коллеж
Хандивын сан	24.6 сая доллар
Ерөнхийлөгч	Стивен А. Вайнер
Дэд захирал	Грандэ Х. Лум
Бакалавр	825
Байршил	Атертон, Калифорни, АНУ
Кампус	Хотын захын
Өнгөнүүд	Хөх, саарал, цагаан
Цахим хаяг	www.menlo.edu

Менло коллеж нь бизнесийн чиглэлээр мэргэшсэн хувийн коллеж бөгөөд АНУ-ын Калифорни мужийн Атертон хотод байрладаг.

Хотхон (Кампус)

Менло коллеж нь Калифорниа мужийн Атертон хотын 45 акр (0.18 км2) кампус дээр, Сан-Франциско хотоос зүүн өмнө зүгт 25 миль, Калифорни мужийн Сан-Хосе хотоос баруун хойш 20 миль зайд байрладаг.

Түүх

Менло коллеж нь 1927 онд хөвгүүдэд зориулсан Менло сургуулийг бага коллеж болгон өргөжүүлэх үед байгуулагдсан. Лоури Ховардийн удирдлаган дор тус байгууллага нэрээ Менло сургууль, бага коллеж болгон өөрчилсөн. Тус коллеж тэр жилдээ 27 оюутан элсүүлжээ. Дараа жил нь тус сургууль, коллежид элсэгчдийн тоо 112 болж, тэдний 80 нь коллежид элссэн байна.

1929 оны хөрөнгийн зах зээлийн уналт, улмаар хямралын үр дагавар 1931 онд Менлод хүрч, тус байгууллага ажиллах боломжгүй болохдоо хүрсэн. Тэдний аврал хоёр өгөөмөр үйлсийн хэлбэрээр ирсэн. Нэгдүгээрт, ТУЗ-ийн дарга К.Ф.Майклс үйл ажиллагаагаа тогтвортой байлгахын тулд Менлод хэд хэдэн их хэмжээний зээл олгосон. Мөн тэр жил Атертон хотын захиргаа Менлод газар эзэмшүүлэхээр санал өгсөн нь тус сургуульд кампусаа өргөжүүлэх боломжийг олгосон юм. Уг үл хөдлөх хөрөнгө нь шинэ зам барихаар төлөвлөж байсан боловч хотын захиргаа шинэ зам тавих шаардлагагүй гэж шийдсэн билээ.